Sumu 98:1 - Tonga Bible 1986

¹ Mbiyani Ambuya sumu yifya, chifukwa achita vyakuziziswa! Janja lawo lamarghe ndi mkono wawo utuŵa vyaŵapaska upundi.

Sumu 98:1 Referans Kwoze

Chituwa 15:6

Janja linu lakurghiya, Ambuya mwe, lakutumbwa mu nthazi, janja linu lakurghiya liphwanya ŵamawongo, Ambuya mwe.

Yesaya 52:10

Ambuya arongo pakweru janja lawo pa maso gha mitundu yose; ndipo vigoti vyose vya charu chapasi vikawonanga utaski waku Chiuta widu.

Chivumbuzi 14:3

Ndipo ŵambanga sumu yifya paurongo pa chitengu-chaufumu cho, ndi paurongo pa vyamoyo vyo vinayi ndi ŵara wo: kweni kuti wanguziŵa yumoza kusambira sumu yo cha, kweni vyo vikwi machumi pe chumi ndi machumi ghanayi ndi vinayi, ŵeniwo ŵakuwomboleka ku charu.

Sumu 96:1

Mbiyani Ambuya sumu yifya; mbiyani Ambuya, mose mwa ŵa charu chapasi!

Sumu 33:3

Ambiyeni sumu yifya, mbani kwa umampha pa malisinga, ndi kukambura kukuru.

Sumu 96:3

Memezani unkhankhu wawoku mitundu, nchitu zawo zakuziziswa mu mafuku gha ŵanthu.

Chivumbuzi 5:9

Ndipo ŵambanga sumu zifya, ŵakuti, “Wakwenere ndimwe kuto buku lo, ndi kumatuwa vizighiri vyake: pakuti mungubayika, ndipo mwaŵawombole kwaku Chiuta ndi ndopa zinu ŵanthu ŵamu fuku lose, ndi karongoroledu, ndi khamu ndi mtundu;

ŴaKolose 2:15

wati wabwanganduwa maufumu ndi mitufu, wanguvirongole pakweru, pakuvipundiya mwaku iyo mweneko.

Yohane 16:33

Ndakukambiyani vyenivi, alinga kuti mwaku ine muŵe ndi chimangu, mu charu mwe ndi suzgu: kweni khwimani mtima; ine ndachipunda charu.”

Chivumbuzi 3:21

Yo wapunda ndimpaskenge kwachija pamoza nane pa chitengu changu chaufumu uli ndimo ine nane ndikupundiya, ndipo ndija pasi pamoza ndi Ada pa chitengu chawo chaufumu.

Machitidu gha Ŵakutumika 2:11

taŵaKrete ndi taŵaku Arabia, tituŵavwa wachirongoro mumakambidu ghidu vinthu vikuru vyaku Chiuta.”

Luka 1:49

Pakuti Wanthazi yo wandichitiya vikuru; ndi ndakupaturika zina lake.

Yeremiya 31:22

Mpaka zuŵanji ukayingangayinganga, wa mwana munthukazi wambura magomezgeka? Pakuti Ambuya achita chinthu chifya, pa charu chapasi: munthukazi ndiyo wavikiriya munthurumi.”

Yesaya 63:5

Ndingulereska, mweni pengavi yumoza wakovya; ndingopa ukongwa kweni pengavi wakuvikiriya; viyo janja laku ndamweni lingunditole kupunda, ndipo ukari wangu ungundivikiriya.

Yesaya 42:10

Mbiyani Ambuya sumu yifya, marumbu ghawo kutuwa ku chigoti cha charu chapasi! Nyanja yiwurume ndi vyose vyakuyizaza, vyaru vyamu malikumba ndi ŵakujamo ŵake

Sumu 149:1

Rumbani Ambuya! Mbiyani Ambuya sumu yifya; arumbeni mu unganu wa ŵakongorekwa ŵawo!

Chituwa 15:11

“Njani yo we nge ndimwe, Ambuya mwe, mukati mu ŵachiuta? Njani yo we nge ndimwe, wakutumphulika mu utuŵa, wakofya pakuchita unkhankhu, wakuchita vyakuziziswa?

Yesaya 59:16

Anguwona kuti pengavi munthu, ndipo ŵanguzizwa po pengavi mwenda pakati; sono janja la mweneko lingumutole kupunda, ndipo ukongorekwa wake ungumuvikiriya.

Sumu 139:14

Ndimurumbani chifukwa mwe ŵakofya ndi ŵakuziziswa. Zakuziziswa nchitu zinu! Mutindiziŵa kwakufikapo;

Sumu 136:4

Iyo yija wachita vyakuziziswa vikuru, chifukwa nchamuyaya chifundu chake;

Sumu 105:5

Kumbukani milimu yawo yakuziziswa yo achita, vya minthondwi yawo, ndi vyeruzgu vyo akamba.

Sumu 86:10

Ndimwe pe wakuchita vya minthondwi, chifukwa ndimwe mwija, Chiuta wa mazaza.

Sumu 77:14

Ndimwe Chiuta wakuchita vya minthondwi; yo wakurongo mazaza ghake mukati mu mafuku gha ŵanthu.

Chiyambo 3:15

Ndikaŵikangapo umawongo pakati pako ndi munthukazi, ndi pakati pa mphapu yako ndi mphapu yake; iyo watemenge mutu wako, ndipo iwe utemenge chitende chake.”

Chivumbuzi 17:14

Yaŵa ŵarwanenge ndi Mwana-mberere yo, ndipo Mwana-mberere ndi ŵapamoza nayo, wo mbakudanika, ŵakusankhika, ndi ŵamagomekezgeka waŵapundenge, pakuti ndiyo Mbuya wa ŵambuya, ndi Karonga wa ŵakaronga.”

Machitidu gha Ŵakutumika 19:20

Kwamazaza viyo ghakuwanga ndi ghapundanga mazu gha Ambuya.

Chivumbuzi 6:2

Ndipo ndingulereska, awonani, kavalo mtuŵa, ndi wakugarapo pake wenga ndi uta; yingupaskika kwaku iyo ndumbu; ndipo wangutuliya kupunda kuti wapundenge.

Jobu 40:9

Kumbi wendi janja nge ndi Chiuta, ndipo kumbi ungaziŵa kuguluruska ndi mazu ghako nge ngake?

Sumu 72:18

Atumbikike Ambuya, Chiuta waku Yisraele, yo yija wachita vyakuziziswa.

Sumu 89:14

Ufumu winu ukujarikika pa urunji ndi cheruzgu; chanju ndi ukongorekwa vye mu chitu zinu zose.

Yesaya 12:5

“Mbani marumbu ku Ambuya, pakuti achita ndi unkhankhu, chitani chiziŵikwe ichi mu charu chose chapasi.