Sumu 97:6 - Tonga Bible 1986

⁶ Machanya ghataula urunji wawo ndipo mafuku ghose ghalereska unkhankhu wowo.

Sumu 97:6 Referans Kwoze

Sumu 50:6

Machanya ghataula urunji wake, pakuti Chiuta mweneko ndimweruzgi!

Sumu 19:1

Machanya ghakonkhoma unkhankhu waku Chiuta; mtambo urongo nchitu za manja ghake.

Yesaya 66:18

“Pakuti ndiziŵa nchitu ndi maghanaghanu ghawo, ndipo ndituza kuzachiwunjika mitundu yose ndi malilime; ndipo ŵakazanga ndi ŵakawonanga unkhankhu wangu,

Yesaya 45:6

kuti ŵanthu ŵaziŵe, kwamba kuutuli wa lumwi mpaka ku zambwe, kuti palive munyake pade paku ine; ndine Ambuya, ndipo kulivi so munyake.

Yesaya 40:5

Ndipo unkhankhu wa Ambuya ukavumburikanga, ndipo nyama yose yikawuwoniyanga pamoza, pakuti mlomo wa Ambuya warongoro.”

Yesaya 6:3

Ndipo yumoza wangudanirizga ku munyake wanguti: “Mtuŵa, mtuŵa, mtuŵa ndi Ambuya ŵa maŵanja, charu chose chapasi chazara unkhankhu wake.”

Sumu 67:4

Yangare mitundu yose mu sumu za chimwemwe, chifukwa muteruzga makhamu mu urunji, ndi kurongozga mitundu yose.

2 Samuele 22:47

“Ambuya mbamoyo; litumbikike jarawi langu, ndipo wakwezgeke Chiuta wangu, jarawi la utaski wangu,

Chivumbuzi 19:2

chifukwa vyeruzgu vyake vyakuneneska ndi vyakurunjika; pakuti weruzga munthukazi-mreŵi mukuru yo, mweniyo wangwananga charu ndi ureŵi wake, ndipo watayiya thayu paku iyo ndopa za ŵaŵanda ŵake.”

Mateyu 6:9

Imwe rombani viyo: Auskefwe mwa ŵakuchanya, lipaturike zina linu.

Habakuku 2:14

Chifukwa charu chapasi chizazenge ndi mziŵiru wa unkhankhu wa Ambuya, nge ndi maji ghazaza nyanja.

Yesaya 1:2

Vwani, mwa machanya mwe, tegherezga gutu, wa charu chapasi; pakuti Ambuya akamba: “Ŵana wo ndahiŵa ndi kuŵakuzga, kweni ŵandigarukiya.

Sumu 98:3

Akumbuka chanju chawo chakufikapo ndi ukongorekwa wawo ku nyumba yaku Yisraele. Ŵanthu wose kose kose mu charu chapasi ŵawona utaksi waku Chiuta.

Sumu 89:5

Machanya gharumba vyakuziziswa vinu, Ambuya, mu ungano wa ŵakupaturika ŵatumba vya ukongorekwa winu!

Sumu 89:2

Ndiziŵa kuti chanju chinu nchakujaririya muyaya, ukongorekwa winu wakhozgeka nge ndi mtambo.

Maŵerengedu 14:21

kweni kwakuneneska mo ndiliri wamoyo ine, ndimo charu chose chikazazikiyanga ndi unkhankhu wa Ambuya,