Sumu 97:10 - Tonga Bible 1986

¹⁰ Ambuya atanja ŵakutinkha uheni: avikiriya maumoyo gha ŵanthu ŵawo, atiŵataska ku nthazi ya ŵaheni.

Sumu 97:10 Referans Kwoze

Nthanthi 8:13

Kopa Ambuya nkhutinkha uheni. Kunyada ndi kujikuzga ndi nthowa ya uheni ndi kirongoro kwakupuruska nditinkha.

ŴaRoma 12:9

Chanju chinu chiŵe chamburafuvyu. Muŵe ŵakutinkha uheni, ndi ŵakumeremete ku umampha.

Sumu 145:20

Ambuya avikiriya wose wo atiŵanja, kweni akaparghang'anga ŵaheni wose.

Sumu 34:14

Tuwako ku uheni, chita umampha; penja chimangu, ndi uchindondoloske.

Yeremiya 15:21

Ndikakupozomoskanga ku janja la ŵaheni ndi kukuwombo mu janja la wankhaza yo.”

Amosi 5:15

Tinkhani uheni, ndi yanjani umampha, ndi mumike urunji mulikomo; pamwenga Ambuya, Chiuta wa maŵanja, wangaŵa ndi lisungu, ndi ŵakujako ŵaku Yosefe.

Danyele 3:28

Nebukadanezara wanguti, “Watumbikike Chiuta waku Shadreke, Mesheke, ndi Abedenego, yo watuma mungelo wake kutaska ŵateŵeti ŵake, wo ŵagomezga mwaku iyo, ŵangukana dangu laku ine nda karonga, ŵangupereka maliŵavu ghawo kwakuruska kuteŵete ndi kusopa chiuta munyake, kweni Chiuta wawo pe.

2 ŴaTesalonika 3:2

ndi kuti titaskike ku ŵanthu ŵazereza wo ndi ŵaheni; chifukwa kuti wose ŵe nacho chivwanu cha.

Nthanthi 2:8

ŵakuvikiriya nthowa za cheruzgu ndi kusungirizga nthowa ya ŵatuŵa ŵawo.

Sumu 31:23

Mwanjeni Chiuta, mose mwa ŵatuŵa ŵake! Ambuya asunga wakugomezgeka, kweni atimuwerezgiyapo kwakuzara yose wakuchita kwakujikuzga.

1 Yohane 5:18

Tiziŵa kuti yose yo ngwakupapika kwaku Chiuta kuti warutiliya mu kulakwa cha, chifukwa Mwana yo waku Chiuta watimsunga ndipo mheni yo kuti wamkwaska cha.

1 Yohane 4:19

Ifwe titanja, pakuti iyo danga wangwanja ifwe.

1 Petro 1:5

mwaŵakusungika ndi nthazi yaku Chiuta mu chivwanu ku utaski wakurongosoleke kuvumbulikiya mu nyengo yaumari.

Yakobe 2:5

Vwani, mwa ŵabali ŵangu ŵakwanjiwa, asi Chiuta wajisankhiya ŵakavu mu charu kuŵa ŵasambasi mu chivwanu, ndi ŵakuhara ufumu weniwo wangupangana ku ŵakumwanja?

Danyele 6:27

Wataska ndi kuwombo wachita visimikizgu ndi vyakuziziswa kuchanya ndi pasi.”

Chivumbuzi 13:8

Ndipo wose ŵakuja pa charu chapasi ŵakachilambiyanga, we yose yo zina lake lirivi kulembeka kutuwa ku kujarikika kwa charu mu buku la umoyo la Mwana-mberere yo, mweniyo wangubayika.

Yakobe 1:12

Ngwamwaŵi munthu mweniyo wavwiyapo kesedu; pakuti wata kuti waŵa wakurumbika, warondenge mphumphu ya umoyo yeniyo, Mbuya wapangana ku ŵakumwanja.

1 ŴaKorinte 8:3

Kweni asani yumoza watumwanja Chiuta, mweniyo waziŵikwa ndi iyo.

Yesaya 45:17

Kweni Yisraele wataskika ndi Ambuya ndi utaski wa muyaya; kuti ukalengeskekanga cha chingana rikhutimbanizgika ku mgonezi wa muyaya.

Nthanthi 3:7

Ungajisanduskanga wazeru mu maso ghaku wamweni; wopanga Ambuya, ndipo utuweko ku uheni.

Sumu 125:3

Chifukwa ndodo ya ŵaheni kuti yikausanga pa charu chakugaŵikiya ŵarunji cha, vinu ŵakurunjika wo ŵangatambaluriya manja ghawo ku kuchita uheni.

Sumu 119:163

Nditinkha ndi kupata mautesi, kweni nditanja dangu linu.

Sumu 91:14

Chiuta watiti, “Nditaskenge wo ŵatindanja, ndi kuŵavikiriya wo ŵatindiziŵa.

1 Petro 1:8

mweniyo mwaŵambura kumwona mutumwanja; mwaku mweniyo sono mwaŵambura kumlereska, kweni mwaŵakuvwana nayo, mukankhaŵiya ukongwa ndi chimwemwe chambura makambika ndi chakuzara unkhankhu,

ŴaRoma 7:24

Ndamunthu msokwa ine! Njani wanditaskengeko ku liŵavu la nyifwa yeniyi?

ŴaRoma 7:15

Chifukwa cho ndichita, kuti ndiwamu cha: chifukwa cho ndikhumba ndicho kuti ndichita cha; kweni cho nditinkha, ndicho ndichita.

Danyele 6:22

“Karonga muŵi ŵamoyo muyaya! Chiuta wangu watuma mungelo wake, wajara milomo ya nkharamu, ndipo kuti zandipweteka cha, chifukwa ndasanirika wambura kalema paurongo pake, ndipo so paurongo pinu, ndilivi kuchita kaheni, a karonga.”

Sumu 119:104

Mu marangu ghinu nditanduwamo zeru, chifukwa cho nditinkha nthowa zose ziheni.

Sumu 101:3

kuti ndiŵikenge kanthu kaheni paurongo pa maso ghangu cha. Nditinkha nchitu zaku wo ŵapatukako kwaku Chiuta; kuti ndibatikanenge nawo nanga nkhamana cha.

Sumu 36:4

Watata utimbanizi pa chakurapo chake; wajimiska mu nthowa yo kuti njamampha cha; uheni kuti wapata cha.

Sumu 121:7

Ambuya akuvikiriyenge ku urwani wose; asungenge umoyo wako.

Amosi 5:14

Penjani umampha, uheni cha, kuti muŵe ŵamoyo; viyo Ambuya Chiuta wa maŵanja, wakaŵanga namwe, nge ndimo mwakambiya.