Sumu 96:10 - Tonga Bible 1986

¹⁰ Nenani ku mitundu yose, “Ambuya ausa! Inya, charu chikumiskika, kuti chikasukuniskikanga so cha; ŵeruzgenge makhamu mu kurunjika.”

Sumu 96:10 Referans Kwoze

Sumu 93:1

Ambuya ausa, avwara unkhankhu, akuvwara ndi kujichinyiriya ndi nthazi. Inya, charu nacho chikukhozgeka; ndipo kuti chikasukunikanga cha;

Sumu 67:4

Yangare mitundu yose mu sumu za chimwemwe, chifukwa muteruzga makhamu mu urunji, ndi kurongozga mitundu yose.

Sumu 9:8

ndipo ateruzga charu mu urunji, ateruzga ŵanthu mu kunyoroka.

Machitidu gha Ŵakutumika 17:31

chifukwa watema zuŵa, mwaku lo wakhasa kweruzgiya charu mu urunji mu munthu yo wamumika; wati wapaska chimbondu kwaku wose pakumyuska ku ŵakufwa.”

Sumu 98:9

chifukwa atuza kuzacheruzga charu chapasi. Ŵeruzgenge charu mu urunji, ndi makhamu mu kunyoroka.

Chivumbuzi 19:11

Ndipo ndinguwona kuchanya kwakujurika; ndipo, onani, kavalo wakuti tu, ndi mweniyo wangugara pake wanguzumbulika, Wamagomekezgeka ndi Mneneska; pakuti mu urunji wateruzga ndi waturwa.

Malaki 1:11

Chifukwa kutuwa ku maturi ghadazi mpaka ku maselero ghake, zina langu ndikuru mukati mu mitundu, ndipo mu malo ghose vipaskika kwaku ine vyakununkhira ndi mipasku yakutowa, chifukwa zina langu ndikuru mukati mu mitundu, atiti Ambuya ŵa maŵanja.

Chivumbuzi 19:6

Ndinguvwa uli ndi mazu gha mzinda ukuru, ndi nge ndi mazu gha maji ghanandi, ndi nge ndi mazu gha vidiririzi vyanthazi, ghakuti, “Aleluya! Pakuti ŵausa Ambuya Chiuta widu Wanthazizose!

Chivumbuzi 11:15

Wangukuŵa mungelo wachinkhonde ndi chiŵi; ndipo ghanguŵapo mazu ghakuru kuchanya, ghakuti, “Ufumu wa panupasi sono ngwa Mbuyafwe, ndi waku Kristu wake, ndipo wakausanga ku muyaya muyaya!”

ŴaHebere 1:3

Mweniyo, pakuŵa dangalira la unkhankhu wake ndi chiyanizgu cha kaŵidu kake, ndi pakuchirikiriya so vyose ndi nenedu la nthazi yake, wanguti, wachita chiphoto cha vilakwa, wanguja pasi ku marghe gha Ukurukuru mu machanya.

ŴaGalatia 1:16

kuvumbuliya mwangu Mwana wake, alinga kuti ndimtaule iyo mu ŵaMitundu; kuti ndingufumba munthu we yose cha cho nditenere kuchita;

Malaki 1:14

“Watembeke wakupusika yo we ndi yinthurumi mu mskambu wake ndipo wapangana kuyipereka, kweni wabayiya sembe Ambuya yo ye ndi kalema; chifukwa nde karonga mukuru, ndipo nditopeka mukati mu mitundu, atiti Ambuya ŵa maŵanja.

Danyele 2:44

Ndipo mu mazuŵa gha ŵakaronga wo, Chiuta wa kuchanya wakamikanga ufumu wo kuti ubwangandulikenge cha, nanga nkhuti mazaza ghake ghapere ku fuku linyake cha. Ubwanganduwenge maufumu ghose yagha kughamara; ndipo ukaŵangako muyaya;

Sumu 126:2

Mlomo widu unguzazika ndi kuseka! Ndi lilime lidu kukambura kwa chimwemwe! Sono mitundu yatinge, “Ambuya aŵachitiya vinthu vikuru!”

Sumu 96:13

paurongo pa Ambuya, chifukwa, atuza kweruzga charu chapasi. Ŵeruzgenge charu mu urunji, ndi makhamu mu ukongorekwa wawo.

Sumu 58:11

Ŵanthu ŵakatinge, “Nadidi yiriko mphoto ya wakurunjika; kwakuneneska Chiuta waliko yo wateruzga pa charu.”

Sumu 46:10

“Jani chete, ndipo ziŵani kuti ine ndine Chiuta. Ndikutumphuskika mukati mu mitundu, ndikutumphuskika mu charu chapasi!”

Sumu 18:49

Pa chifukwa ichi ndikamuwonganinga, Ambuya, mukati mu mitundu, ndi kumba mathamiko ku zina linu.

ŴaKolose 2:7

pakumererwa ndi kuzengeka mwake, ndi kukhozgeka mu chivwanu, uli ndimo mwasambizgikiya, ndi kufurwiya mu chiwonga.

Sumu 59:13

ŵamareni mu ukari winu, ŵamareni alinga kuti ŵareke kuwonekapo so, mwakuti ŵanthu ŵaziŵe kuti Chiuta wausa paku Yokobe, mpaka ku vigoti vya charu.

Mateyu 3:2

“Ng'anamukani; chifukwa waŵandika ufumu wa kuchanya.”

Yesaya 49:8

Viyo atiti Ambuya, “Mu nyengo ya mwaŵi ndakwamuka iwe, mu zuŵa la utaski ndakovya ndakusunga iwe ndakupaska nge ndi phanganu ku ŵanthu kujarika charu, kugaŵa vihara vya mapopa;

Sumu 46:6

Yinguuruma mitundu, ghangusukunika maufumu; wakamba mazu ghake, charu chapasi chisongonoka.

Sumu 7:9

Zomerani kuti uheni wa ŵaheni umare. Kweni imwe zengani ŵakurunjika, imwe mutesa mzimu ndi mitima, ndimwe Chiuta wakurunjika.

Sumu 9:9

Ambuya ndi linga ku ŵakukandirizgikiya pasi, ndi linga mu nyengo za suzgu.

Yesaya 52:7

Ama kunozga pa mapiri marundi ghaku yo watuza ndi uthenga wamampha, yo wataula chimangu, yo watuza ndi uthenga wamampha wa vyakunozga, yo wataula utaski, yo watitikwaku Zioni, “Chiuta wako wawusa.”