Sumu 95:8 - Tonga Bible 1986

⁸ “Rekani kunonopeska mitima yinu nge mpha Meriba, nge ndimo ŵanguŵiya zuŵa liya mu bozwa pa masa.

Sumu 95:8 Referans Kwoze

Chituwa 17:7

Ndipo wangudana zina la malo gha Masa ndi Meriba, chifukwa cha kutundula kwa ŵana ŵaku Yisraele; ndi chifukwa ŵangwesa Ambuya pakukamba kuti, “Kumbi Ambuya ŵe mukati mwidu, pamwenga awa?”

Maŵerengedu 20:13

Yagha ndi maji ghaku Meriba, kweniko ŵaYisraele ŵangumikana ndi Ambuya ndipo Iwo angujirongo akupaturika mukati mwawo.

Maŵerengedu 14:22

ndikalanganga ŵanthu wose wo ŵawona unkhankhu wangu ndi vya minthondwi vyangu vyo ndinguchita mu Egipiti ndi mu bozwa, ndipo ŵandesa sono kwanyengo izi chumi ŵakana kuvwa mazu ghangu,

Maŵerengedu 14:11

Ndipo Ambuya anguti kwaku Mosese, “Mpaka zuŵanji ŵanthu yaŵa ŵakandikalariskanga? Ndipo mpaka zuŵanji ŵakauranga kundigomezga, chingana ndachita visimikizgu vinandi mukati mwawo?

1 Samuele 6:6

Munonopeskiyengenji mitima yinu nge ndimo ŵaEgipiti ndi Farao ŵangunonopeske mitima yawo? Wanguti ŵachita vyakuziziswa mukati mwawo, asi ŵanguzomerezga ŵanthu kuruta, ndipo ŵanguruta.

Marangu 6:16

“Mungesanga Ambuya Chiuta winu, nge ndimo mungumwese pa Masa.

ŴaHebere 12:25

Lereni vinu mungamkana mweniyo wakamba namwe. Chifukwa asani ŵa ŵengavi kupozomoka pakukana kuvwiya mweniyo wanguŵachenjezga panupasi, ukongwa viŵi kuti tikapozomokanga cha ifwe taŵakugaruka ku kwaku mweniyo wachenjezga kuchanya.

ŴaRoma 2:5

Kweni mu unononu wako ndi mtima wako wakukana kupe, ujiŵikiya kandundu mu zuŵa la kandundu ndi la uvumbuzi wa cheruzgu chirunji chaku Chiuta;

Yuda 1:5

Kweni ndikhumba kumkumbuskani, mwaŵakuziŵiya limu vyose, kuti Ambuya, ŵati ŵataska khamu ku Egipiti, pavuli po anguŵananga ŵambura kuvwana.

ŴaHebere 3:13

Kweni chiskanani zuŵa ndi zuŵa kweche kuzumbulika “Le,” vinu yumoza waku imwe wangangangamiskika ndi fuvyu la ulakwi:

Machitidu gha Ŵakutumika 19:9

Kweni po ŵanyake ŵenga ŵanononu ndi ŵamtafu, ŵakukambiya uheni pa nthowa yo paurongo pa urapasi wo, wangutuwako kwawo, ndi wanguŵapatuwa ŵasambizi, wakuŵanduliya zuŵa ndi zuŵa mu skulu yaku Turano.

Chituwa 17:2

Chifukwa cho ŵanthu ŵangusaniya kafukwa ndi Mosese ndi ŵanguti, “Utipaske maji timwenge.” Ndipo Mosese wanguti kwaku wo, “Chifukwa nchine pakulimbana ndi ine? Chifukwa nchine mutuŵesa Ambuya?”

Danyele 5:20

Kweni penipo mtima wake ungujitukumuwa, ndi mzimu wake ungunonopeskeka wanguchita vyose kwakujikuzga, ndipo wangusiskika pa chitengo chake, cha ufumu.

Maŵerengedu 14:27

“Mpaka zuŵanji ndikunthiyengepo pa wumba uheni uwu wo udinginika kumikana nane? Ndavwa madinginiku gha ŵaYisraele, gho ŵadinginikiya pa ku Ine.

Chituwa 8:15

Kweni penipo Farao wanguwona kuti pe chigowoke, wangunonopeska mtima wake, ndipo wangukana kuŵategherezga, uli ndimo Ambuya angukambiya.