Sumu 95:6 - Tonga Bible 1986

⁶ Zaninga, tikotame ndi kumusopa iyo; tiyeni tigwade paurongo pa Ambuya, Mlengi widu!

Sumu 95:6 Referans Kwoze

ŴaFilipi 2:10

kuti mu zina laku Yesu gongonu lose ligwadiyenge, la ŵakuchanya, ndi la ŵapa charu, ndi la ŵakusi kwa charu,

Sumu 100:3

Ziŵani kuti Ambuya ndiyo Chiuta! Ndiyo wangutata ndipo ifwe te ŵake; te khamu lake, ndi mberere za uliska wake.

Danyele 6:10

Penipo Danyele wanguziŵa kuti karata wa dangu wasayindika wangusere mu nyumba yake ndi wangujura madangazi muchipinda cha muchanya ghakurazga ku Yerusalemu; wangujikama makongono ghake katatu mu zuŵa ndi wanguromba ndi kuwonga paurongo paku Chiuta wake, nge ndimo wachitiyanga pakudanga.

Sumu 95:1

Zaninga, tiyeni timbiye Ambuya; tiyeni tikoŵere jarawi la utaski widu!

ŴaEfeso 3:14

Chifukwa chenichi ndijikamiya makongonu ghangu ku Dada,

Yesaya 54:5

Pakuti Mlengi wako ndi murumi wako, Ambuya ŵa maŵanja ndilo zina lawo; ndipo Mtuŵa Yumoza waku Yisraele ndiyo Muwombozi wako, Chiuta wa charu chose chapasi ndimu wadanikiya.

1 ŴaKorinte 6:20

chifukwa mungugulika ndi mtengu. Viyo mkankhuskiyeni Chiuta mu liŵavu linu.

2 Mikoka 6:13

Solomoni wanguzenga chiguŵa cha mkuŵa cho chenga mikono yinkhonde mu utali, mikono yinkhonde mu usani, ndi mikono yitatu mu wima, ndipo wanguchiŵika mukati mu bwalo, ndi wanguma paku cho, ndi wangujikama ndi makongono ghake pa maso pa mzinda wose wa ŵaYisraele, wangutambaluriya manja muchanya.

Luka 22:41

Ndipo mwenecho wangupatukako kwaku wo uli nkhupong'a kwa mwa; ndipo wanguti wagwada pa makongonu, warombanga, wakuti,

1 Petro 4:19

Viyo, so ŵeniwo ŵakomwa kwakulingana ndi khumbo laku Chiuta ŵapazgiye mauzima ghawu mu kuchita umampha ku mlengi wamagomekezgeka.

Yohane 1:3

Vyose vingulengeke mwaku iyo; ndipo kwambura iyo kuti kangulengeka cha chingana nkhanthu kamoza ko kaŵapo.

Ezra 9:5

Ndipo pa sembe ya mazulo ndingusoka mu kusuzgika kwangu, vivwaro vyangu ndi munjirira wangu vinguparukaparuka; ndingujikama, ndingusoske manja ghangu kwa Ambuya Chiuta wangu

Chivumbuzi 22:17

Mzimu ndi Mwali wa nthengwa ŵatiti, “Zanga!” Ndipo mweniyo watuvwa wanene, “Zanga!” Ndipo mweniyo ngwanyota waze: yo ngwakukhumba waronde kwawezi maji gha umoyo.

Machitidu gha Ŵakutumika 21:5

Kweni penipo tingujako mazuŵa, tingutuwako ndi tinguruta; ndipo wo wose, pamoza ndi ŵawoli ŵawo ndi ŵana, ŵangutiperekezga mpaka kubwaro ku msumba: ndipo pakugwada pa likumba, tinguromba, ndi kurayirana.

Yesaya 17:7

Mu zuŵa liya ŵanthu ŵazamuphwere mlengi wawo ndipo maso ghaŵo ghazamulereska ku Mtuŵa yo Yumoza waku Yisraele,

Sumu 72:9

Ŵanthu ŵamu bozwa ŵangwadenge paurongo pake; ŵarwani ŵake ŵagonenge mu fuvu.

1 ŴaKaronga 8:54

Sono penipo Solomoni wangumara kupereka rombu ili ndi kuŵeyere ku Ambuya, wangusoka kutuwapo pa chiguŵa cha sembe cha Ambuya, po wangujikama ndi kutambaruliya manja gheke kuchanya.

Chituwa 20:5

kuti ukavilambiyanga chingana nkhuvitataliya cha; pakuti ine Ambuya Chiuta wako ndine Chiuta wa sanji, wakusiskiya pa ŵana uheni wa auskeu, mpaka ku mwandanu wa chitatu ndi wachinayi waku wo ŵatinditinkha;

Machitidu gha Ŵakutumika 7:60

Ndipo pakupeta makongonu, wangukambura ndi liu likuru, “Ambuya, mungaŵaŵikiya ulakwi uwu cha.” Ndipo wanguti wakamba ichi, wangura.

Marko 14:35

Ndipo wangurutiriya kamanavi, wanguwa pasi, ndipo wanguromba wakuti, asani kungachitika, ora lo limurutiiriye.

Mateyu 4:2

Ndipo wati wafunga mazuŵa machumi ghanayi ndi mausiku machumi ghanayi, pavuli wanguvwa nja.

Hoseya 8:14

Chifukwa Yisraele waruwa mulengi wake, ndi wazenga nyumba zikuru, ndipo Yuda wandaniska misumba ya malinga; kweni nditumenge moto pa misumba yake, ndipo wamukocha malinga ghake.

Wakutaula 12:1

Kumbuka so Mlengi wako mu mazuŵa gha unyamata wako, ghenga ghandazi mazuŵa ghaheni, ndi virimika vyenga vindafike, penipo wazamukamba kuti, “Ndilivi likondwa mwaku vyo.”

Sumu 149:2

Wakondwere, Yisraele mu Mlengi wake; ŵakondwe, ŵana ŵaku Zioni, mukaronga wawo!

Jobu 35:10

Kweni palivi yo watiti, ‘Wepani Chiuta Mlenge wangu, mweniyo wapaska sumu pa usiku pakati,

Chivumbuzi 22:8

Ndipo ine nda Yohane ndinguvwa ndi ndinguwona vyenivi; ndipo ndati ndavwa ndi kuwona, ndinguwa pasi kulambiya paurongo pa marundi gha mungelo yo wangukamba vyenivi.

Machitidu gha Ŵakutumika 20:36

Ndipo wachikamba vyenivyo, wangugwada pasi, ndi wanguromba pa­moza nawo wose.

Hoseya 6:1

“Zaninga, tiyeni tiwere kwa Ambuya; chifukwa aparuwa, mwakuti atichizge; atipuma ndipo atimangenge umempha mabara.

Mateyu 4:9

ndipo wangunena nayo, “Vyose ivi ndikupaskenge, asani uwenge pasi ndi kundilambiya.”

2 Mikoka 29:28

Wumba wose ungusopa, ndi ŵakumba ŵangumba; malipenga ghanguvwika; ivi vyose vingulutiriya mpaka penipo sembe yakocha yinguchitika.

2 Mikoka 29:29

Penipo sembe yingumara, karonga ndi wose wo ŵenga nayo pamoza ŵangukotama visku vyawo ndi ŵangusopa.

2 Mikoka 29:30

Hezekiya karonga, ndi mafumu ŵangulanguliya ŵaLevi kumba mathamiko ku Ambuya ndi mazu ghaku Davidi ndi ghaku Asafi muwona. Ŵangumba mathamiko ndi likondwa, ndipo ŵangusindama ndi ŵangusopa.

Sumu 119:73

Mukundilenga ndimwe; ndipaskeni kuziŵa, mwakuti ndisambire marangu ghinu.

Sumu 139:13

Imwe mukulenga viŵaro vyangu vya mukati, munguviŵika pamoza mu nthumbo ya ama.

Yesaya 44:2

Viyo atiti Ambuya wo angukupanga, wo angukuumba kutuwa ku chibali ndipo akakovyanga: Ungopanga cha Yakobe, mteŵeti wangu, Yeshuruni yo ndasankha.

Yesaya 64:8

Kweni Ambuya mwe, imwe Auskefwe; te dongo ifwe, imwe mwe muwumbi widu; ndipo tose te nchitu ya janja linu.