Sumu 94:16 - Tonga Bible 1986

¹⁶ Njani yo wangundisoke kumikana ndi ŵaheni? Njani yo wenga kuchiri kwangu kumikana ndi ŵakuchita mphurupuru?

Sumu 94:16 Referans Kwoze

Ŵeruzgi 5:23

“Utembe Merozi, watiti mungelo wa Ambuya, uŵatembe kwakuŵaŵa ŵakujamo mwake, chifukwa ŵengavi kuza ku chovyu cha Ambuya, kuchovyu cha Ambuya pakumikana ndi ŵanthazi.

3 Yohane 1:8

Viyo titenere ifwe kuŵaronde ŵaviyo alinga kuti tiŵe ŵanchitu ŵanase mu uneneska wo.

Mateyu 12:30

Yo kuti we pamoza nane cha, wamikana nane; ndipo yo walive kuwunjika pamoza nane, waparghang'a.

Ezekiele 22:30

Ndipo ndingupenjapenja munthu mukati mwawo yo wangwenere kuzenga linga ndi kuma mwakupasuka paurongo pangu chifukwa cha charu, mwakuti ndireke kuchipasuwa; kweni ndengavi kumusaniya.

Yeremiya 5:1

Chimbiriyani uku ndi uku mu miseu ya Yerusalemu, lereskani ndi teskani! Penjani uku ndi uku mwenimo! Kuwona vinu mungasaniya munthu, mweniyo wachita cheruzgu chirunji ndi wapenja uneneska; alinga kuti ndimugowoke.

Yesaya 63:5

Ndingulereska, mweni pengavi yumoza wakovya; ndingopa ukongwa kweni pengavi wakuvikiriya; viyo janja laku ndamweni lingunditole kupunda, ndipo ukari wangu ungundivikiriya.

Yesaya 59:16

Anguwona kuti pengavi munthu, ndipo ŵanguzizwa po pengavi mwenda pakati; sono janja la mweneko lingumutole kupunda, ndipo ukongorekwa wake ungumuvikiriya.

Sumu 59:2

Ndipozomoskeni kwaku wo ŵachita utimbanizi, ndipo nditaskeni ku ŵanthu ŵanyota ya kudiska ndopa.

Sumu 17:13

Sokani, Ambuya! Muŵajarizge, muŵawiskiye pasi! Pozomoskani umoyo wangu ku muheni ndi lipanga linu,

Nehemiya 5:7

Ndingujikhome fundu ndija, ndipo ndingutundula ŵaraŵara ndi zinduna. Ndinguti kwaku wo, “Imwe muchita phindu, we yose pa mwana munyake.” Ndipo ndinguchita unganu ukuru paku wo,

2 ŴaKaronga 10:15

Ndipo wanguti watuwa pa wangukumana ndi Yehonadabu mwana waku Rekabu yo wanguza kuzachikumana nayo, ndipo wangumutauzga ndi wanguti kwaku iyo, “Kumbi mtima wako nguneneska kwangu uli ndimo wangu uliri wa uneneska kwako?” Ndipo Yehonadabu wangwamuka, “Ndimu uliri.” Yehu wanguti, “Asani we viyo ndipaske janja lako.” Viyo wangumupaska janja lake. Ndipo Yehu wangumukwezga mugareta lake.

2 ŴaKaronga 9:32

Yehu wanguyinuskiya chisku chake ku dangazi wanguti, “Njani we kuchiri kwangu? Njani?” Ŵamthenu, ŵaŵi, pamwenga ŵatatu ŵangumulereska.

Maŵerengedu 10:35

Ndipo kunguŵa lichisoka Bokosi, Mosese wanguti, “Sokani, Ambuya, ŵambininike ŵamawongo ŵinu; ndipo wose ŵakukutinkhani ŵathaŵe paurongo pinu.”

Sumu 118:6

Ndi Ambuya pamoza nane, kuti nditopa cha; wachitengenji nane munthu?