Sumu 94:10 - Tonga Bible 1986

¹⁰ Ndiyo wendi mtufu pa mitundu, asi wangatondeka kuŵalanga? Ndi musambizgi wa ŵanthu wose, kumbi kuti waziŵa cha?

Sumu 94:10 Referans Kwoze

Jobu 35:11

mweniyo watitisambizga kwakuruska vinyama vya mu charu, ndi watitichita kuŵa ŵavinjeru kuruska viyuni vya mude?’

Yesaya 28:26

Pakuti wapangizgika umampha, Chiuta wake watimurunguchizga.

Yeremiya 10:25

Punguliyani ukari winu pa mitundu yeniyo yireka kumuziŵani imwe, ndi pa ŵanthu wo kuti ŵadana pa zina linu cha, pakuti ŵamuzwanduwa Yakobe; ndi kumurgha, ndipo ŵapopeska charu chake.

Sumu 44:2

imwe ndi janja linu mungutuzga mitundu ya ŵanthu, kweni iwo munguŵapanda; mungusuzga makhamu, kweni iwo munguŵajarika mu wanangwa;

Yohane 6:45

Kwalembeka mu ŵamchimi, ‘Ndipo ŵaŵenge wose ŵakusambizgika ndi Chiuta.’ Yose yo wavwa ndi wasambira ku Dada, watuza kwaku ine.

Habakuku 3:12

Munguja pachanya pa charu mu kandundu, mungukandiya pasi mitundu ya ŵanthu mu ukari.

Habakuku 1:12

Asi ndimwe wamuyaya, Ambuya Chiuta wangu, Mtuŵa wangu? Kuti tifwenge cha. Ambuya mwaŵamika nge ncheruzgu; ndipo imwe, Jarawe, mwaŵaŵika kuti ŵalangike.

Amosi 3:2

“Imwe pe ndimwe ndakuziŵani mu mbumba zose zapa charu chapasi; mu chifukwa ichi ndimulangeninge chifukwa cha mauheni ghinu ghose.

Ezekiele 39:21

“Ndipo ndikaŵikanga unkhankhu wangu mukati mu mitundu; mitundu yose yikawonanga cheruzgu cho ndachita, ndi janja langu lo ndanyekezga paku iwo.

Yesaya 54:13

Ŵana ŵako wose ŵakasambizgikanga ndi Ambuya, ndipo kusakata kwa ŵana ŵako kukaŵanga kukuru.

Yesaya 37:36

Ndipo mungelo wa Ambuya wanguruta, wangubaya vikwi machumi pe chumi ndi machumi ghankhonde ndi ghatatu (185,000) mu ugoŵi wa ŵaAsiriya; ndipo penipo ŵanthu ŵanguyuka ndi mlenjilenji, ehe, yaŵa wose ŵenga viŵanda.

Yesaya 10:12

Penipo Ambuya atakuti ŵamara nchitu yawo yose pa phiri la Zioni ndi pa Yerusalemu akalanganga kujikuzga kukuru kwa karonga wa Asiriya ndi kujikwezga kwake.

Yesaya 2:3

ndipo ŵanthu ŵanandi ŵakazanga ŵakatinge: “Zaninga, tikweriyenge ku phiri la Ambuya, ku nyumba yaku Chiuta waku Yakobe, alinga watisambizge nthowa zake, ndi kuti ifwe tendenge mu tunthowa twake.” Pakuti dangu likatuwanga mu Zioni, ndi mazu gha Ambuya, ghakatuwanga mu Yerusalemu.

Nthanthi 2:6

Pakuti Ambuya apaska zeru; ku mlomo wawo kutuwa zeru ndi kuwamo;

Sumu 119:66

Ndisambizgeni vinjeru ndi cheruzgu chamampha chifukwa ndagomekezga mu vilangulu vinu!

Sumu 10:16

Chiuta ndi karonga ku muyaya ndi muyaya; ŵamitundu ŵakaparghang'ikanga mu charu chake.

Sumu 9:5

Mwachenya mitundu, mwaparghang'a ŵaheni; zina lawo mwasisita ku muyaya ndi muyaya.

Sumu 149:7

kuti ŵawezge thayu mitundu, ndi kulanga makhamu gha ŵanthu;

Jobu 28:28

Ndipo wanguti ku munthu, ‘Wona, chofyo cha Ambuya, chenicho ndi zeru; ndipo kupatuka ku uheni ndi vinjeru.’ ”

Jobu 34:29

Pa iyo waja cheti, ndiyani wangasuska? Pa wabisa chisku chake, ndiyani wangamuwona; pamwenga ungaŵa mtundu pamwenga munthu,