Sumu 91:2 - Tonga Bible 1986

² wakambenge ku Ambuya, “Ndimwe chakudingang'amo changu ndi linga langu; Chiuta wangu, mwaku mweniyo ndigomekezga.”

Sumu 91:2 Referans Kwoze

Sumu 18:2

Chiuta ndi jarawi langu, linga langu, ndi mpozomoski wangu, Chiuta wangu, jarawi langu, mwaku mweniyo ndidingang'a, ndi nguru yangu, ndi mtaski wangu wa nthazi, linga langu lakukho.

Nthanthi 18:10

Zina la Ambuya ndi sonjo wakurama; munthu murunji wachimbiriya mwenimo wabisama.

Yesaya 12:2

“Ehe, Chiuta ndi mtaski wangu; ndikagomekezganga, ndipo kuti ndipenge cha; pakuti Ambuya Chiuta ndi nthazi yangu ndi sumu yangu, ndipo iyo waŵa utaksi wangu.”

Sumu 142:5

Ambuya, ndiliriya kwaku imwe; Ambuya, imwe, mwe chakudingang'amo changu; phande langu mu charu cha ŵamoyo.

Sumu 46:1

Chiuta nchakudingang'amo chidu ndinthazi yidu, movya wakusanirika ukongwa mu suzgu.

Sumu 71:3

Mundiŵiye chitanthali chakundivikiriya, linga lakukho, kunditaska, ndimwe chakudingang'amo ndi chipozomosko changu.

Sumu 14:6

Iwe utiti urengeske fundu ya wakusauka, kweni Ambuya nchakudingang'amo chake.

Sumu 91:9

Chifukwa wato Ambuya kuŵa nguru yako, Wapachanya Limu waŵa muvikiriyi wako,

ŴaHebere 11:16

Kweni sono ŵanweke chamamphako, ndicho chakuchanya: ndiviyo Chiuta walive soni nawo, kutamulika Chiuta wawo: chifukwa waŵarongosole msumba.

Sumu 48:14

kuti uyu ndiyu Chiuta, Chiuta widu muyaya ndi muyaya. Wakaŵanga murongozgi widu muyaya.

Chiyambo 17:7

Ndipo ndiŵikenge phanganu langu pakati pangu ndi iwe, ndi mphapu zako za pavuli pako mu migonezi yose kuŵa phanganu la muyaya kuti ndikaŵanga Chiuta kwako ndi ku mphapu zako za pavuli pako.

Luka 20:38

Kweni kuti ndi Chiuta wa ŵakufwa cha, kweni wa ŵamoyo; chifukwa wose ŵajariya iyo umoyo.”

Yeremiya 31:1

“Pa nyengo yeniyiya, atiti Ambuya, ndikaŵanga Chiuta wa mbumba zose zaku Yisraele, ndipo iwo ŵakaŵanga ŵanthu ŵangu.”

Sumu 43:4

Penipo ndipo ndikarutanga ku jochero laku Chiuta, kwaku Chiuta chimwemwe changu chakuruska; ndipo ndikatumbikanga imwe ndi bangwe, A Chiuta, Chiuta wangu.

Sumu 18:3

Ndidana ku Ambuya, wo mbakwenere kurumbika, ine ndikutaskika ku ŵarwani ŵangu.

Sumu 25:2

Mwa Chiuta wangu, mwaku imwe ndagomekezga, ndireke kulengeskeka: ŵareke kutumbiya paku ine ŵarwani ŵangu.

Sumu 31:15

Nyengo zangu zemu janja linu; ndipozomoskeni mu janja la ŵarwani ŵangu ndi ŵakundiŵemba!

Sumu 46:2

Viyo kuti topenge cha, nanga chisanduka charu chapasi, nanga mapiri ghasukunika mu mtima wa nyanja;

Sumu 61:5

Chifukwa imwe, A Chiuta mwavwa marapu ghangu, mwanditore mu chihara cha ŵakopa zina linu.

Sumu 142:6

Tegherezgani ku nkhuta yangu; chifukwa ndasiskikiya pasi. Nditaskeni ku ŵarwani ŵangu, wo mbanthazi kwa kuruska ine.