Sumu 90:2 - Tonga Bible 1986

² Ghenga ghandawe mapiri, mwenga mundawumbe charu chapasi, kutuwa ku muyaya mpaka ku muyaya ndimwe Chiuta.

Sumu 90:2 Referans Kwoze

ŴaHebere 13:8

Yesu Kristu zana ndi le ndi mweniyo pe, ndi so ku muyaya.

Chiyambo 1:1

Mu chiyambo Chiuta wangulenga kuchanya ndi charu chapasi.

Chivumbuzi 1:8

“Ine ndine Alfa ndi Omega,” watiti Chiuta Ambuya, yo waliko, ndi yo wengako, ndi yo watuza Wanthazizose yo.

Sumu 93:2

chamiskika chitengo chinu cha ufumu kutuwa ku mwaka; kutuwa ku muyaya ndimwe.

Habakuku 1:12

Asi ndimwe wamuyaya, Ambuya Chiuta wangu, Mtuŵa wangu? Kuti tifwenge cha. Ambuya mwaŵamika nge ncheruzgu; ndipo imwe, Jarawe, mwaŵaŵika kuti ŵalangike.

Sumu 33:9

Pakuti angukamba, ndipo kunguŵa viyo; angulangula, ndipo chingumiskika.

Yesaya 57:15

Pakuti viyo watiti wapachanya ndi Mutali yo, mweniyo waja mu umuyaya, yo zina leke ndi Wakupaturika: “Ndija pachanya pa malo ghakupaturika, ndipo so pamoza ndi yo ngwa mtima wakupe ndi wakujiyuyuwa, kusisipuska mzimu wa wakujiyuyuwa, ndi kuyuska so mtima wa wakupe.

Yesaya 44:6

Viyo atiti Ambuya, Karonga waku Yisraele ndi Muwombozi wake, Ambuya ŵa maŵanja: “Ndine wakudanga ndipo ndine wakumariya; pade paku ine palivi chiuta.

Jobu 15:7

“Kumbi ndi we munthu wakudangakupapika? Pamwenga ungupapika mapiri ghenga ghandaŵeko?

Sumu 146:6

Yo wangwata kuchanya, ndi charu chapasi, nyanja, ndi vyose vyo virimo, wakusunga chigomezgu nyengo yose swi;

Sumu 103:17

Kweni chifundu cha Ambuya nchakutuwa ku muyaya mpaka ku muyaya, paku ŵeniwo wose ŵati wawopa, ndi ukongorekwa wawo ngwa ku migonezi yose,

Mika 5:2

Kweni iwe, Betelehemu Efrata, wamweniwe we mumana kuŵa mukati mu mafumu ghaku Yuda, mwaku iwe mukawiyanga kutuwa kwaku ine wakuusa, mu Yisraele, mweniyo chandilu chake nchakali ukongwa, chituwa ku mazuŵa ghamwaka.

Yesaya 45:22

“Weneni kwangu ndi mutaskike, vigoti vyose vya charu chapasi! Pakuti ndine Chiuta, ndipo palivi so munyake.

Chituwa 8:6

Viyo Aroni wangutambaruliya janja lake pa maji ghamu Egipiti; ndipo ŵamchuwa ŵangufwapuka ndi ŵangusapatiya pa charu chose cha Egipiti.

Jobu 36:26

Wonani, Chiuta ndi mukuru, ndipo kuti titumziŵa cha, unandi wa virimika vyake ngwambura maŵerengeka.

Sumu 102:13

Imwe mukasokanga ndi kuchitiya lisungu Zioni; nyengo yakumuchitiya lisungu yafika; nyengo yo njeniyi!

Danyele 7:9

Ndeche kulereska, vitengo vinguŵikikapo ndipo mura yumoza wa mazuŵa gha mwaka wangu ja pa mpando wake; vivwalo vyake vyenga vituŵa nge ndi nyankhuŵinda ndi sisi laku mutu wake nge ndi weya utuŵa; chitengo chake chenga nge ndi mlipu wa moto, nkhata zake zenga moto wakukole.