Sumu 90:10 - Tonga Bible 1986

¹⁰ Virimika vya umoyo widu vye machumi ghankhonde ndi ghaŵi pe, pamwenga virimika machumi ghankhonde ndi ghatatu asani tarutiliyako; ndipuuli cho vititipingiya ifwe ndi suzgu ndi chitima; umoyo umara ruŵi, ndipo ifwe tiruta.

Sumu 90:10 Referans Kwoze

Yakobe 4:14

penipo napo mulive kuchiziŵiska chamawa cha. Pakuti we uli umoyo winu? Mwe nyankhuŵinda, na, yo wawoneka kanyengo kamanavi, ndipo pavuli wazirimitiya.

Sumu 78:39

Wangukumbuka kuti iwo ŵenga ŵanthu ŵaka, ŵayana ndi mphepo yo yiputa, yijumpha kuti yiwe so cha.

2 Samuele 19:35

Pa nyengo yino ndendi virimika machumi ghankhonde ndi ghatatu (80) kumbi ndingaziŵa kuteska cho nchamampha ndi chiheni? Kumbi ndamteŵeti winu ndingaziŵa kwesa cho nditurgha ndicho nditumwa? Kumbi ndingaziŵa kutegherezga ku mazu ghakumbika ndi ŵanthurumi pamwenga ŵanthukazi? Na ndamteŵeti winu ndiŵiyengengenji so mphingu yakusazgiyako ku mbuyangu karonga?

Chiyambo 47:9

Ndipo Yakobe wanguti kwaku Farao, “Mazuŵa gha virimika vya umoyo wangu ghe virimika machumi pe chumi ndi machumi ghatatu (130); ghaŵa ghamanavi ndi ghaheni mazuŵa gha virimika vya umoyo wa auskefwe mu mazuŵa gha umoyo wawo.”

Marangu 34:7

Mosese wenga wa virimika machumi pe chumi pachanya machumi ghaŵi (120) pa ura wake wachifwa. Jiso lake lengavi kuchita ndandi chingana ndi nthazi yake yengavi kugowoka.

1 ŴaKaronga 1:1

Sono karonga Davidi wangukota wenga ndi virimika vinandi ukongwa, ndipo chingana ŵangumuvwinkha ndi saru zinandi kuti wanguvwa chifundizi cha.

Jobu 24:24

Ŵakuzgika kanyengo kafupivi, ndi pavuli pake ŵaruta; ŵafota ndi ŵavumuka nge vyakusongo kwa trigu, ŵadumulika nge ndi songo za trigu.

Jobu 14:10

Kweni munthu watufwa pa wawonda ukongwa, watuta kwakumariya, ndipo wepani?

Yesaya 38:12

Uja wangu wazuwika watuzgikako kwangu, uli ndi hema la mliska; uli ndi muwomba saru ndazinga umoyo wangu; watindidumuwapo pa chakuwombe; kwamba ku msana kuya ku usiku imwe mutinditole ku chigoti;

Luka 12:20

Kweni Chiuta wanguti kwaku iyo, ‘Wakupusa we, usiku uno ŵawufumbiyenge mzimu wako; ndipo vyenivyo warongoso, viŵenge vyaku yani?’

Jobu 20:8

Wakaphururukiyanga kutali nge ndi loto, ndi kuti wakasanirikanga cha; wakadikiskikiyanga kutali nge ndi chiwona cha usiku.

Chiyambo 6:3

Sono Ambuya anguti, “Mzimu wanguti kuti ukajanga mu munthu cha muyaya, pakuti iyo ndi nyama; mazuŵa ghake ghakaŵanga virimika machumi pe chumi, pachanya machumi ghaŵi (120).”

ŴaLevi 27:7

Ndipo asani msinkhu wa munthu yo ngwa virimika machumi ghankhonde ndi limoza (60) pamwenga kuruska po, sono mtengo wa munthurumi ndi ndrama chumi pachanya zinkhonde (15); ndi wa munthukazi ndrama chumi.

Yoswa 14:11

Ndeche wanthazi nyengo yinu nge ndimo ndinguŵiya pa zuŵa lo Mosese wanditumiyanga, mo nthazi zangu zinguŵiya pa nyengo yiya ndimo ziliri ndasono pano zakurwiya nkhondo, pa kuruta ndi pakuwe.

2 Samuele 19:36

Ndamteŵeti winu ndirutenge namwe kamanavi kwambuka Yordane, chifukwa nchine karonga wandiwezgiyenge mphoto ya viyo?

Jobu 5:7

kweni munthu wakupapikiya visuzgu, nge ndi nkhangalufya ziputiskikiya kuchanya.