Sumu 9:5 - Tonga Bible 1986

⁵ Mwachenya mitundu, mwaparghang'a ŵaheni; zina lawo mwasisita ku muyaya ndi muyaya.

Sumu 9:5 Referans Kwoze

Nthanthi 10:7

Chikumbusku cha murunji ndi thumbiku, kweni zina la wamphulupulu likavundanga.

Chivumbuzi 19:15

Ndipo lituwa mu mlomo wake lipanga lauyi, kuti wakoso nalo mitundu: ndipo wausenge ŵanthu ndi ndodo ya chisulo: ndipo iyo wakanda nkhandu ya mphereska ya ukari wa kandundu kaku Chiuta wanthazizose.

Malaki 4:3

Mukandirizgiyenge pasi ŵaheni, pakuti ŵakaŵanga nge ndi choto kusi ku maphazi ghinu, mu zuŵa lo ndamuchitiya ichi, atiti Ambuya ŵa maŵanja.

Marangu 9:14

ndireke ndiŵapasuwe ndi kusisita zina lawo kutuwa pano pasi. Ndipo ndisanduskenge iwe kuŵa mtundu wanthazi ndi ukuru kuruska iwo.’

Nthanthi 13:9

Ukweru wa murunji ukondwere, kweni nyali ya wamphulupulu yikazimwikanga.

Sumu 149:7

kuti ŵawezge thayu mitundu, ndi kulanga makhamu gha ŵanthu;

Sumu 79:10

Yitifumbiyengenji mitundu, kuti, “Wepani Chiuta winu?” Mphanyi tawona kuti mwayisuzga mitundu, chifukwa cha kudika kwa ndopa za ŵateŵeti ŵinu!

Sumu 78:55

Wangudikiska mitundu paurongo pawo, wanguŵagaŵiya chihara chawo ndi mweso, ndi kujarika mafuku ghaku Yisraele mu mahema ghawo.

2 Samuele 17:23

Po Ahitofele wanguwona kuti pengavi yumoza yo wangurondo fundu yake, wangukwera pa mbunda yake, ndi kuruta ku nyumba yake ku muzi wake. Ndipo wanguti wanozga umampha vyose vyamu nyumba yake, wangujigwinjiriya; ndipo wangufwa, ndipo wanguŵikika mu muunda wa awiske.

Sumu 5:6

Imwe mumarenge wo mbakukamba mautesi; Ambuya apata ŵanthu ŵakudiska ndopa ndi ŵakupusika.

Sumu 2:1

Yimotokiyanji kwakuwawata mitundu, ndipo ŵanthu ŵarungurukiyanji chawaka?

1 Samuele 31:4

Sono Sauli wangunena ndi wakupinga vidya vyake, “Wewepuwa lipanga lako, undigwaze nalo vinu ŵambura kuchinjika aŵa ŵangaza ŵangandigwaza ndikunditombozga.” Kweni wakupinga vidya vyake wangukana; chifukwa wangopa ukongwa, viyo Sauli wanguto lipanga lake ndi wangujiwiya paku lo.

1 Samuele 25:32

Davidi wangunena ndi Abigaili, “Atumbikike Ambuya, Chiuta waku Yisraele, yo wakutuma kukumana nane zuŵa lino!

1 Samuele 25:39

Davidi wanguti wavwa kuti Nabala wafwa, wanguti, “Atumbikike Ambuya wo awezge nduzga kupwetekeka ko ine ndinguronde pa janja laku Nabala, ndipo wasungirizga ndamteŵeti wake ku kwananga, Ambuya awezge uheni waku Nabala pa mutu wake.” Ndipo Davidi wangutuma kwa chifumba Abigaili, kuti waŵi muwoli wake.

Sumu 7:12

Asani munthu wareka kung'anamuka, Chiuta wakanoranga lipanga lake; wapinda uta wake ndi kuwutweŵa.

Yeremiya 49:38

ndikamikanga chitengo changu cha ujumu mu Elamu, kuphwanya karonga wawo ndi ŵaraŵara, atiti Ambuya.

Chitenje 3:58

“Mwandimiriya mlando wangu, Ambuya, mwawombo umoyo wangu.