Sumu 89:6 - Tonga Bible 1986

⁶ Kuchanya kulivi wakuyana ndi imwe, Ambuya; kulivi nanga njumoza mu ŵachita wakulingana namwe,

Sumu 89:6 Referans Kwoze

Sumu 86:8

Kulivi Chiuta nge ndimwe Ambuya mu ŵachiuta nanga njumoza kulivi yo wangaziŵa kuchita vyo imwe muchita.

Sumu 71:19

Urunji winu, Chiuta ufika ku mitambo. Vyo mwachita, mwachita vikuru ukongwa; kulivi nanga njumoza wakuyana namwe!

Yeremiya 10:6

Kulivi nanga njumoza wakukozgana namwe, Ambuya mwe; mwe ŵakuru, ndipo zina linu nda nthazi ukongwa.

Sumu 113:5

Kulivi nanga njumoza wakuyana ndi Ambuya Chiuta widu; aja pa chitengo chawo kuchanya.

Sumu 29:1

Paskani ku Ambuya mwa ŵakuchanya mwe, paskani ku Ambuya unkhankhu ndi nthazi.

Chituwa 15:11

“Njani yo we nge ndimwe, Ambuya mwe, mukati mu ŵachiuta? Njani yo we nge ndimwe, wakutumphulika mu utuŵa, wakofya pakuchita unkhankhu, wakuchita vyakuziziswa?

Sumu 73:25

Kumbi nde ndi yani kuchanya kweni imwe pe? Ndipo po ndendi imwe, kwe yani so munyake mu charu chapasi?

Sumu 89:8

Ambuya Chiuta wa maŵanja, njani wendi mazaza nge ndigho mwenagho imwe, Ambuya? Mwe ŵamagomekezgeka mu vinthu vyose, A Chiuta.

Sumu 52:1

Utijitumbwiyanjimu uheni, wa chilimbi we, ndi viheni vyo vichitikiya pa wakopa Chiuta? Zuŵa lose, utata pharghaniko.

Sumu 40:5

Ambuya, Chiuta wangu, mwandaniska nchitu zinu zakuziziswa ndi maghanaghanu ghinu gha paku ifwe; palivi nanga njumoza wakuyana namwe! Asani ndenga wakughataula ndi kughakamba, mphanyi ghaŵa ghanandi ghambura maŵerengeka.