Sumu 89:41 - Tonga Bible 1986

⁴¹ Wose ŵakujumphapo ŵatimuskowa waŵa chitozeru ku ŵakuzengezgana wake.

Sumu 89:41 Referans Kwoze

Sumu 79:4

Taŵa chitozeru ku ŵanasi ŵidu; kawerere ndi chipukung'a mutu ku ŵakutizingirizga.

Danyele 9:16

Ambuya kwakulingana ndi nchitu zinu za urunji, zomerani kuti ukari winu ndi kandundu kinu vituwepo pa msumba winu Yerusalemu, phiri linu lakupaturika; chifukwa cha maulakwi ghidu ndi uchikana marangu wa auskefwe, Yerusalemu ndi ŵanthu ŵinu ŵaŵa chitozeru kwaku wose ŵakutizingirizga.

Chitenje 5:1

Kumbukani, Ambuya cho chatiwiya; teskani, ndi wonani kulengeskeka kwidu!

Yeremiya 50:17

“Yisraele ndi mberere yakupenjeka yo yadikiskika ndi zinkharamu, Pakudanga karonga wa Asiriya wangumuparuwa, ndipo sono pa umari Nebukadanezara karonga wa Babiloni waphwanya viwanga vyake.

Yeremiya 44:12

Ndikatonga ŵakujako ŵaku Yuda wo ŵalazga maso ghawo kuzachija ku charu cha Egipiti; ndipo wose ŵakamaranga ŵakawanga mu charu cha Egipiti; ŵakabayikanga ndi lipanga, ndi chilala; kwamba ku mumana kufika ku mura wakamariya, ŵakafwanga ndi lipanga ndi chilala, ndipo ŵakaŵanga chakutukika, chakofya, thembo, ndi chitozeru.

Yeremiya 44:8

Chifukwa chine mutindisosomole ku kukwiya ndi nchitu za manja ghinu, koche vyachema ŵachiuta ŵanyake mu charu cha Egipiti kweniko mwaza kuzachija, kuti mudumulikeko ndi kusanduka thembo ndi kawerere mu mitundu yose ya charu chapasi?

Yeremiya 42:18

“Viyo atiti Ambuya ŵa maŵanja, Chiuta waku Yisraele: Mwenimo kukwiya kwangu ndi ukari wangu vingupungulikiya pa ŵakuja mu Yerusalemu, viyo ndimu ukari wangu ukapungulikiyanga paku imwe asani mutiya ku Egipiti. Mukaŵanga kawerere, chakofya, thembo chakunyozeka. Kuti mughawonenge so cha malo yagha.

Yeremiya 29:18

Ndikaŵandondoloskanga ndi lipanga, chilala ndi chideru, ndipo ndikaŵawoneskanga nge nchakunyozeka mu maso mwa maufumu ghose gha charu chapasi, kuwa chakutembeka, chakofya, chakuyeyeka, ndi chakusekeka mu mitundu yose mwaku yo ndikuŵadikiskiyamo,

Yeremiya 24:9

Ndikaŵachitanga kuŵa chakofya ku maufumu ghose gha charu chapasi, kuŵa chakusekeka, chakukambika, kawerere, ndi chakutembeka mu malo ghose ghenigho ndikaŵadikiskiyangako.

Yesaya 10:6

Nditimutuma ku mtundu wambura Chiuta, ku ŵanthu ŵakundikaraliska ndiku nditumulanguliya, kwachito vyakuskoŵa ndi kuronda vyakuphanga, kuvipwatiya pasi nge mbulambwi, wamu miseu.

Sumu 80:13

Nguruŵi zamdondo zitiyiphwatiya pasi, ndipo nyama zose za mudondo zitiyirgha.

Sumu 74:10

Mpaka zuŵanji, A Chiuta, ŵarwani ŵidu ŵakatiweranga? Kumbi ŵakatukanga zina linu muyaya?

Nehemiya 5:9

Viyo ine ndinguti, “Chinthu cho muchita kuti nchamampha cha. Si mutenere kwenda mu chopu chaku Chiuta widu kukanizga lirengu la mitundu yo njakupindikana nafwe?

Marangu 28:37

Ndipo mukaŵanga ŵamantha, ŵantharika ndi ŵakunyozeka, mukati mu ŵanthu wose kweniko Ambuya akamurongozgiyaninga.

Yesaya 5:5

Sono ndikakuneniyaninga, cho ndikachitanga ku munda wangu wa mphereska. Ndikapasuwanga lisitu lake, ndipo ukaliwanga: ndibwanganduliyenge pasi linga lake, ndipo ukaphwatikiyanga pasi.

Chitenje 2:5

Ambuya asanduka nge mbakupindikana, abwanganduwa Yisraele; abwanganduwa nyumba zake zose za ufumu, malinga ghake ghose apasuwa, ndi andaniska kutenje ndi kuliya mu charu chaku Yuda.