Sumu 89:26 - Tonga Bible 1986

²⁶ Wakakambanga nane, ‘Imwe ndimwe Ada ndi Chiuta wangu; ndimwe muvikiriyi wangu ndi mtaski wangu.’

Sumu 89:26 Referans Kwoze

2 Samuele 7:14

Ndikaŵanga wiske, iyo wakaŵanga mwana wangu, asani walakwa, ndimulangenge ndi nthonga ya ŵanthu ndi malikwechu gha ŵana ŵa ŵanthu;

2 Samuele 22:47

“Ambuya mbamoyo; litumbikike jarawi langu, ndipo wakwezgeke Chiuta wangu, jarawi la utaski wangu,

Sumu 95:1

Zaninga, tiyeni timbiye Ambuya; tiyeni tikoŵere jarawi la utaski widu!

Mateyu 26:42

Kachiŵi wanguruta ndipo wanguromba, wakuti, “Ada, asani mukhumba, mutuzgeko kwangu nkhombo iyi, khumbo langu cha, kweni khumbo linu lichitike.”

Sumu 62:2

Iyo pe ndiyo jarawi langu ndi chipozomosko changu, ndi linga langu; kuti ndisukuniskikenge weniukongwa cha.

Yohane 11:41

Viyo wangutuzgako mwa. Ndipo Yesu wangwinuskiya kuchanya maso ghake, wanguti, “Ada, ndikuwongani kuti mwandivwa.

Luka 23:46

Ndipo Yesu, wakubongo ndi mazu ghakuru, wanguti, “Ada, mu manja ghinu ndiŵika mzimu wangu!” Ndipo wanguti wanena chenichi wangumara mtima.

Sumu 18:46

Ambuya mbamoyo; litumbikike jarawi langu, wakukwezgeka waŵe Chiuta wa chipozomosko changu,

Yohane 20:17

Yesu wanena nayo, “Reka kundiko, chifukwa ndindakwere ku Ada; kweni kanga ku ŵabali ŵangu, kaŵanene, ndikwere ku Ada Auskemwe, kwaku Chiuta wangu ndi Chiuta winu.”

Marko 15:34

Ndipo pa ora lachinkhonde ndi chinayi Yesu wangubongo ndi mazu ghakuru, “Eloi, Eloi, lama sabaktani?” Ghenigho pakung'anamuwa ghatiti, “Chiuta wangu Chiuta wangu, mwandisiyanji?”

Sumu 43:4

Penipo ndipo ndikarutanga ku jochero laku Chiuta, kwaku Chiuta chimwemwe changu chakuruska; ndipo ndikatumbikanga imwe ndi bangwe, A Chiuta, Chiuta wangu.

1 Mikoka 22:10

Wakazengiyanga zina langu nyumba. Waŵenge mwana wangu, ine ndiŵenge wiske wake, ndipo nkhakhozganga chitengo chake cha ufumu mu Yisraele muyaya.’

ŴaHebere 1:5

Chifukwa nkhwaku yani kali wamu ŵangelo, Chiuta wanguti, “Ndiwe Mwana wangu, ine le ndakupapa.” Ndi so, “Ine ndiŵiyenge iyo Wiske, ndipo iyo waŵiyenge ine Mwana.”

Mateyu 26:39

Ndipo pakurutiyapo kunthazi kamanavi, wanguwa kavunama, wakuromba ndi wakuti, “Ada, asani kungachitika, yindirutiriye nkhombo iyi: kweni uli ndimo ndikhumbiya ine cha, kweni mo mukhumbiya imwe.”

Zekariya 9:10

Ndidumuwenge gareta lakutuwa kwaku Efraimu ndi kavalo wankhondo wakutuwa ku Yerusalemu; uta wankhondo nawo udumulikenge; ndipo wakambenge chimangu ku ŵa mitundu. Ukaronga wake wambenge kutuwa ku nyanja kwachifika ku nyanja, kutuwa ku Msinji kwachifika ku vigoti vya charu.