Sumu 89:2 - Tonga Bible 1986

² Ndiziŵa kuti chanju chinu nchakujaririya muyaya, ukongorekwa winu wakhozgeka nge ndi mtambo.

Sumu 89:2 Referans Kwoze

Sumu 36:5

Chanju chinu, Ambuya, chisapatiya ku machanya, ukongorekwa winu mpaka ku mitambo.

Luka 1:50

Ndipo lisungu lake le ku myandanu ndi myandanu paku ŵeniwo ŵatumopa.

Sumu 103:17

Kweni chifundu cha Ambuya nchakutuwa ku muyaya mpaka ku muyaya, paku ŵeniwo wose ŵati wawopa, ndi ukongorekwa wawo ngwa ku migonezi yose,

ŴaHebere 6:18

alinga kuti mu vinthu viŵi vizira masinthika, mwaku vyo nkhwambura machitika kuti Chiuta waname, tiŵe ndi kachiskidu kakukho, taŵakuthaŵiriya kukoreska chigomekezgu chakujarikikiya ifwe:

Sumu 89:37

Ukakhozgekanga nge ndi mwezi nge ndi kaboni wamagomekezgeka kuchanya.”

Sumu 89:5

Machanya gharumba vyakuziziswa vinu, Ambuya, mu ungano wa ŵakupaturika ŵatumba vya ukongorekwa winu!

Nehemiya 9:31

Ndipuuli mu malisungu ghinu ghakuru kuti mungumarana nawo cha pamwenga kuŵajowo; pakuti mwe Chiuta wawezi ndi walisungu.

Sumu 146:6

Yo wangwata kuchanya, ndi charu chapasi, nyanja, ndi vyose vyo virimo, wakusunga chigomezgu nyengo yose swi;

Sumu 119:89

Ambuya, mazu, ghinu ghakajaririyanga muyaya; ghakukhozgeka kuchanya.

Sumu 42:1

Mo mphala yiŵeŵefukiya misinji ya maji, viyo mzimu wangu uŵeŵefukiya imwe, A Chiuta.

Nehemiya 9:17

ŵangukana kuvwiya, ndipo kuti ŵangughanaghanako cha vya minthondwi vyo munguchita mwawo; kweni ŵangungangamiska khosi lawo ndi ŵangumika murongozgi kuti ŵaweriyenge ku uŵanda wawo mu Egipiti. Kweni imwe mwe Chiuta yo we muchanya kale kugowoke, wa wezi ndi walisungu, mwambura kukala ruŵi ndi wakuzala chifundu, ndipo kuti munguŵajowo cha.

Nehemiya 1:5

Ndipo ndinguti, “Ambuya Chiuta wa kuchanya, Chiuta mukuru ndi wakofya mweniyo wasunga phanganu ndi chanju chizirima ndi wo ŵatumwanja ndi kusunga marangu ghake;

Maŵerengedu 23:19

Chiuta kuti ndi munthu cha, kuti waname, pamwenga mwana wa munthu, kuti wang'anamuke. Kumbi cho wakamba, kuti wakachitanga cha? Pamwenga cho wanena, kuti wakachifiskanga cha?

Mateyu 24:35

Kuchanya ndi pasi virutenge, kweni mazu ghangu kuti gharutenge cha.

Sumu 40:11

Ambuya mwe, rekani kukanizga lisungu linu paku ine, chisungusungu chinu ndi umagomekezgeka winu vindisunge muyaya!