Sumu 89:19 - Tonga Bible 1986

¹⁹ Mu chiwona, mazuŵa ghamwaka, mungukamba ku ŵateŵeti ŵinu ŵamagomekezgeka kuti, “Ndaŵika chifuku pa msilikali wangu walumbiri; ndapereka chitengo ku yumoza wakusankhika mu ŵanthu.

Sumu 89:19 Referans Kwoze

1 Samuele 16:18

Yumoza wa ŵahurwa wangwamuka wanguti, “Awonani, Ndawona mwana waku Jese waku Betelehemu; yo nchilimbi mu kumba, munthu yo ngwanthazi, ndipo ndi ngwazi ya kurwa, wa vinjeru mu kurongoro, munthu wakuma umampha; ndipo Ambuya ŵe nayo.”

1 ŴaKaronga 11:34

Ndipuuli kuti ndikatonga wose cha ufumu ku janja lake; kweni ndikamuchitanga kuŵa wakuwusa mazuŵa ghose gha umoyo wake; chifukwa chaku Davidi muŵanda wangu yo ndingutondo, mweniyo wangusunga malangulu ghangu ndi marangu ghangu.

Yesaya 9:6

Pakuti kwaku ifwe mwana wapapika kwaku ifwe kwapaskika mwana munthurumi, ndipo weruzgi ukaŵanga pa pheŵa lake, zina lake likadanikanga “Wakupaska fundo Wakuziziswa, Chiuta wanthazi, Dada wa Muyaya, Karonga wa Chimangu.”

Sumu 89:3

Imwe munguti, Ndachita phanganu ndi munthu yo ndasankha; ndarapa kwaku Davidi mteŵeti wangu;

Chivumbuzi 3:7

“Ku mungelo wa mpingu wamu Filadelfia lembapo: ‘Vyenivi watiti Wakupaturika, Mneneska yo, mweniyo we ndi mjuriru waku Davidi, yo wajura, ndipo kuti yumoza wangajara cha, yo wajara, ndipo kuti yumoza wangajura cha.

2 Petro 3:2

kuti mukumbukedi manenedu gho ghangukambikiya limu ndi ŵamchimi ŵakupaturika, ndi langulu so la Ambuya ndi Mtaski lakukambika ndi ŵakutumika ŵinu.

2 Petro 1:21

Chifukwa kuti umchimi wengavi kuza kali ndi khumbo la munthu: kweni ŵanthu ŵakambanga gho ghatuliyanga kwaku Chiuta, pakututuzgika ndi Mzimu Wakupaturika.

Luka 1:70

(nge ndimo wangukambiya ndi mlomo wa ŵamchimi ŵake wakupaturika kutuwa ku muyaya)

Marko 1:24

ndipo wangukambura, kuti, “Te ndi chine ndi iwe, Yesu waku Nazarete? Kumbi waziya kuzachitinanga? Nditukuziŵa mo uliri, Wakupaturika we, waku Chiuta.”

Yeremiya 30:21

Mura wawo wakaŵanga yumoza wa ŵeneko, wakuŵausa wakatuwanga mukati mwawo; ndikamunderezganga pafupi, wakazanga kwaku ine, pakuti njani yo wangesa kuza yija kwaku ine? atiti Ambuya.

Sumu 42:3

Masozi ghangu ghandiŵiya kurgha msana ndi usiku, penipo ŵanthu ŵakamba nane kwambura kurekezga, “Wepani Chiuta wako?”

2 Samuele 17:10

Paku ichi nanga nchinkhara, yo mtima wake wenge ndi mtima wa nkharamu. Wasongonokenge ndi mantha; pakuti Yisraele yose waziŵa kuti ausu nchinkhara, ndipo nanga mbanthu wo ŵenawo vinkhara.

1 Samuele 16:1

Ambuya anguti kwaku Samuele, “Mpaka zuŵanji ukachitiyanga chitima Sauli, pakuti Ine ndamukana kuti waŵe karonga pa ŵaYisraele? Zaza supa yako ndi mafuta. Ndipo ruta; ndikutumenge kwaku Jese waku Betelehemu, pakuti ndajiwone ndamwene karonga mukati mu ŵana ŵake.”

Sumu 3:4

Ndidanirizga ukongwa ku Ambuya, ndipo atindimuka kutuliya mu phiri lawo lakupaturika.