Sumu 89:15 - Tonga Bible 1986

¹⁵ Ŵakukondwa mbanthu wo ŵasopa imwe ndi zisumu, wo ŵatenda mu ukweru wa chisku chinu,

Sumu 89:15 Referans Kwoze

Sumu 44:3

chifukwa kuti ŵangupoka charu ndi lipanga lawo cha, ndipo kuti ndi mkono wo unguŵapaska kupunda cha; kweni ndi janja linu lakurghiya, ndi mkono winu, ndi kuŵala kwa chisku chinu; chifukwa mungukondwere mwaku iwo.

Sumu 4:6

Mbanadi wo ŵatiti, “Owe mphanyi tinguwona cho nchamampha! Kwezgiyani kungweruka kwa chisku chinu paku ifwe, A Chiuta!”

Jobu 29:3

penipo nyali yake yinguŵara pa mutu wangu, ndipo ndi kungweruka kwake, ndingwenda mu mdima;

Machitidu gha Ŵakutumika 2:28

Mwandiziŵiska nthowa za umoyo: mundizazenge ndi likondwa pakuŵapo kwinu.’

Yesaya 2:5

Wa nyumba yaku Yakobe we, zanga, tiye tendenge mu ukweru wa Ambuya.

Sumu 100:1

Kamburiyani Ambuya, mwa ŵacharu chose chapasi!

Maŵerengedu 6:26

Ambuya ayinuskiye paku imwe chisku chawo, ndi kukupaskani chimangu.

Maŵerengedu 23:21

Walivi kusaniyamo kaheni mwaku Yakobe: nanga nkhuwonamo suzgu mwaku Yisraele. Ambuya Chiuta wawo we pamoza nawo, ndipo kubangula kwa karonga kwe mukati mwawo.

Maŵerengedu 10:10

Ndipo so mu zuŵa linu lalikondwa, ndi pa madghera ghakutemeka, ndi pa kwamba kwa myezi yinu, mukambanga zimbata pa mipasku yinu yakocha ndi pa sembe zinu za mipasku ya chimangu; vikuŵiyeni chikumbusku paurongo pa Ambuya: Ine ndine Ambuya Chiuta winu.”

ŴaLevi 25:9

Sono mukambanga mbata yakuvwika kosekose, pa zuŵa la chumi la mwezi wa chinkhonde ndi chiŵi. Mukambanga mbata kosekose mu charu chose pa zuŵa lakupepeska.

Chivumbuzi 21:23

Ndipo msumba wo ulivi kukavuka dazi, chingana ndi mwezi, kuti viuŵaliye: chifukwa unkhankhu waku Chiuta nkhungweruka kwake, ndipo Mwana-mberere yo ndi limbuni lake.

ŴaRoma 10:18

Kweni ndititi, asi ŵanguvwa? Inyadi, “Mazu ghawo ghanguwanda mu charu chose, ndi manenedu ghawo ku vigoti vya panupasi.”

ŴaRoma 10:15

Ndipo ŵataulenge uli, kwambura kuti ŵatumika? Uli ndimo kwalembeke, “Nkhutowa nako marundi gha ŵakugozga vyamampha!”

Nahumu 1:15

Wona, pa mapiri marundi ghaku yo watuza ndi uthenga wamampha, yo wawandiska chimangu! Sunga madghera ghako, Yuda, fiska marapu ghako, chifukwa wazenge so cha muheni kumikana nawe, wamalizgike teteti.

Nthanthi 16:15

Mu ukweru wachisku cha karonga mwe umoyo, ndipo mwaŵi wake we uli ndi mitambo yo tituza ndi vuwa yakudanga.

Sumu 90:6

ukuwa ndipo ubiriŵira, kweni ku mazulo umira ndipo utufwa.

Sumu 97:2

Mabingu ndi munkhorwi viŵazingiliya: ufumu wawo ukugarikika pa urunji ndi cheruzgu.