Sumu 88:8 - Tonga Bible 1986

⁸ Mwandipatuska ku ŵabali ŵangu; mwandisanduska cha mwikhu kwaku wo. Ndajarikiya mukati ndipo kuti ndingaziŵa kutuwa cha;

Sumu 88:8 Referans Kwoze

Sumu 31:11

Ndaŵa chakuwereka ku ŵarwani ŵangu wose, chitozeru ku ŵanasi ŵangu, chinthu cha kofya ku ŵakuziŵiriyana nane; wo ŵatindiwona munthowa ŵatindithaŵa.

Zekariya 11:8

Mu mwezi umoza ndingutuzgako ŵaliska ŵatatu. Kweni ndingukaripa nawo, iwo nawo ŵangunditinkha.

Yeremiya 32:2

Pa nyengo yiya wumba wa ŵankhondo ŵa karonga ŵaku Babiloni unguzinga Yerusalemu, ndipo Yeremiya mchimi wangujarikiya mu bwalo la ukaidi lo lenga mu nyumba ya ufumu ya karonga waku Yuda,

Yesaya 49:7

Viyo atiti Ambuya, Muwombozi waku Yisraele ndi Mtuŵa wake Yumoza, kwaku yo wakuyeyeka limu, wakutinkhika ndi mitundu, mteŵeti wa ŵeruzgi: “Ŵakaronga ŵakawonanga ndi ŵakayukanga; ŵana ŵa mafumu ŵakalambanga ŵija; chifukwa cha Ambuya, wo mbamagomekezgeka, Mtuŵa Yumoza waku Yisraele yo wakusankha.”

Yohane 11:57

Kweni ŵazukuru ŵara ndi ŵaFarisi ŵangulanguliya ŵanthu, kuti, asani yumoza wangaziŵa po wangaŵa ŵatenere kukamba alinga kuti ŵamko.

Yesaya 63:3

“Ndakanda mphereska ndija mu mbuli, ndipo pengavi munthu yumoza yo wenga pamoza nane, ndinguzikanda mu ukari wangu, ndinguziphwata mu kukara kwangu; viyo ndipo za umoyo wawo zaŵalikiya mu maraya ghangu, ndipo zazumbwiska vivwalo vyangu.

Sumu 143:4

Viyo mzimu wangu wavuka mukati mwangu; mtima wangu watenthemeskeka.

Sumu 142:4

Ndilereskauku ndi uku ndiwona kuti kulivi nanga njumoza wakundovya; kulivi nanga njumoza wakundivikiriya; kulivi nanga njumoza wakundiphwere.

Sumu 88:18

Mwapatuskiya kutali nanga mbabali ŵangu ŵapa mtima; wakusungana nane yo wajako ndi mdima pe.

Jobu 30:10

Ŵatinditinkha, ŵatindichimbiya, kuti ŵatopa cha kufunya mata pa maso pangu.

Jobu 19:8

Wandizingirizga ndi lisitu kujara nthowa yangu kuti ndireke kujumpha, waŵika mdima pa zinthowa zangu.

Jobu 12:14

Asani wabwanganduliya pasi paulavi yumoza yo wangazenga so; asani watimujaliya munthu palivi yo wangamujuliyako.

Sumu 42:8

Ndi msana Ambuya alanguliya chifundu chawo; ndipo ndi usiku sumu yawo ye paku ine, rombu kwaku Chiuta wa umoyo wangu.