Sumu 88:4 - Tonga Bible 1986

⁴ Ndapimikiya pamoza ndi wose ŵakuruta ku nyifwa; nthazi zangu zose zamara.

Sumu 88:4 Referans Kwoze

Sumu 28:1

Kwaku imwe, Ambuya ndidana; jarawi langu, rekani kundiŵiya nge ndi mgota, vinu, po imwe mutakuti mwaja chete, ine ndikaŵanga nge ndiwo ŵasikiya ku zenje.

2 ŴaKorinte 1:9

Inya, tingufikapo mtima kuti nadi tatemeke ku nyifwa. Ichi chingutiŵiya alinga kuti tireke kugomekezga mwaku taŵeni, kweni mwaku Chiuta mwaniyo wayuska ŵakufwa;

Sumu 143:7

Chondi ndamukeni, Ambuya! Chigomezgu chose ndataya! Mungajibisanga cha kwaku ine, vinu ndingaŵa mukati mwakuwo ŵasikiya ku zenje.

Sumu 31:12

Ndaruwika mu mtima nge ngwakufwa, ndazgoka nge nchiyaŵi chakusweka.

2 ŴaKorinte 13:4

Chifukwa nanga wangupayikikiya mu unthomboru, ndikweni wajariya wamoyo mu nthazi yaku Chiuta. Chifukwa nafwe te ŵakutomboroka mwake, kweni pakutakataka ndi imwe tijariyenge ŵamoyo pamoza ndi iyo mu nthazi yaku Chiuta.

ŴaRoma 5:6

Chifukwa kuti, tenga teche ŵakutomboroka; pa nyengo yakwenere Kristu wangufwiya ŵambura kuziŵa Chiuta.

Yona 2:6

kusi ku mapiri. Ndingusikiya ku charu cho mipiringizgu yake yingundijariya ine kwa muyaya; ndipuuli imwe munguwutuzgamo mzimu wangu kutuliya ku wanangiko, Ambuya Chiuta wangu.

Ezekiele 26:20

penipo ndipo ndikakukosoliyanga pasi pamoza ndi wo ŵasikiya ku zenje, ku ŵanthu ŵa mwaka, ndipo ndikakujarikanga mu charu chapasi ukongwa, mukati mumalo ghakupasuka kale, pamoza ndi wo ŵasikiya ku zenje, mwakuti ureke kuŵa so chakujamo cha ŵanthu pamwenga kuŵa ndi malo mu charu cha ŵamoyo.

Sumu 30:9

“Mwe chanduwu uli mu nyifwa yangu, asani ndisikiya ku zenje? Kumbi fuvu likamutumbikaninga? Kumbi litaulenge vya umagomekezgeka winu?

Jobu 17:1

Mzimu wangu wamara, mazuŵa ghangu ghafupiskika, muunda wandinozgeke.

Yesaya 53:3

Wangunyozeka ndi kupatika ndi ŵanthu; munthu wa vitima, ndi wakuziŵiriya vyakupweteka; ndi mweniyo ŵanthu ŵatumubisa visku vyawo wangunyozeka, ndipo ifwe tengavi kumtumbika.

Chitenje 3:15

Wandizaza ndi vyakuŵaŵa wandigutiska vya nkhanya.