Sumu 88:11 - Tonga Bible 1986

¹¹ Kumbi ku muunda wakonkhoma vyachanju chinu chakufikapo, pamwenga umagomekezgeka winu mu malo gha pharghaniko?

Sumu 88:11 Referans Kwoze

2 Petro 2:1

Kweni so ŵanguŵa mu khamu lo ŵamchimi ŵatesi, uli ndimo mwaku imwe namwe muŵiyenge ŵasambizgi ŵatesi, ŵeniwo ŵaserengemu kwaudeke ndi mipambuku yakwananga, ndi kumkana Mweneko yo wanguŵawombo, ndi kujitole viyo kunanga kwa paruŵi.

ŴaRoma 9:22

Kweni na kwati asani Chiuta, chingana wakhumba kurongo kandundu kake ndi kusimikizga nthazi yake, mu kuzuzipizga kukuru wangulekerezga ŵanthu wo wangukaripa nawo ndi kuŵarongosole ku wanangiku;

Mateyu 7:13

“Sereni mu likomo lalifyakafyaka: chifukwa ndikuru likomo, ndipo njisani nthowa, yakurongozge ku wanangiku, ndipo mbanandi ŵakusere mwaku lo.

Nthanthi 15:11

Muunda ndi pharghaniku vye pakweru paurongo pa Ambuya, nako kwe mtima ya ŵanthu kwe uli!

Sumu 73:18

Nadi mukuŵaŵika mu malo ghakuteremuka; ndi kuŵawiskiya kupharghaniko!

Sumu 55:23

Kweni imwe A Chiuta, muŵapong'enge pasi, mu zenje la pharghaniko; ŵanthu ŵakudiska ndopa ndi ŵakupusika kuti ŵafiskenge mazuŵa gha umoyo wawonanga mphakatikati cha. Ine ndigomekezgenge mwaku imwe.

Jobu 26:6

Muunda we mwazi pa maso paku Chiuta, pharghang'iko lilivi chibenekere.

Jobu 21:30

Kuti ŵabendezi ŵataskika muzuŵa la pharghaniko ndikutaskika mu zuŵa la ndewu?

Sumu 6:6

Ndavuka ndi kutamantha kwangu; usiku ndi usiku mphasa zangu zizaza masozi, ndidiriya chita changu masozi ghakuliya.

Yesaya 26:19

Ŵakufwa ŵinu ŵakaŵanga ŵamoyo, maliŵavu ghawo ghakayukanga. Okwe mwa ŵakuja mu fuvu imwe! Yukani, mbani gha chimwemwe! Pakuti dungwi linu ndi dungwi la ukweru, ndipo charu chikatoriyanga so ku umoyo mizimu yaku wo ŵakufwa kale.

Ezekiele 37:3

Ndipo angunena nane, “Mwana wa munthu, kumbi viwanga ivi vingaŵa so ndi umoyo?” Ine ndinguti, “A, Ambuya Chiuta muziŵa ndimwe.”