Sumu 87:7 - Tonga Bible 1986

⁷ Ŵakumba ndi ŵakuvina wose ŵatiti, “Vyakujamo vyango vyose vye mwaku imwe.”

Sumu 87:7 Referans Kwoze

Sumu 36:9

Pakuti chisima cha umoyo che ndi imwe; mu kungweruka kwinu ifwe tiwona ukweru.

Yohane 1:16

Pakuti wapaska wezi kwaku ifwe tose rutaruta kutuwa ku uzari wake.

Yesaya 12:3

Mukaneghanga maji ndi likondwa kutuwa mu visima vya utaski.

Chivumbuzi 22:17

Mzimu ndi Mwali wa nthengwa ŵatiti, “Zanga!” Ndipo mweniyo watuvwa wanene, “Zanga!” Ndipo mweniyo ngwanyota waze: yo ngwakukhumba waronde kwawezi maji gha umoyo.

Chivumbuzi 21:6

Wangunena nane, “Vyachitika! Ndine Alfa ndi Omega, chandu ndi umari. Ine ndimpaskenge wanyota kwawezi ghamu chisima cha maji gha umoyo.

Yohane 4:14

kweni mweniyo yose wangwamwapo maji gho ndimpaskenge ine, kuti nyota yikamkonga so cha muyaya: maji gho Ine ndimpaskenge ghaŵenge mwake chisima cha maji ghakubwibwitukiya ku umoyo wamuyaya.”

Chivumbuzi 22:1

Ndipo wangundirongo msinji wa maji gha umoyo, wakulangaliya ulaka ndi galase, langa-langa, wo utuliya ku chitengu-chaufumu chaku Chiuta ndi cha Mwana-mberere,

1 Mikoka 23:5

vikwi vinayi (4,000) ŵalinda malikomo, ndi vikwi vinayi (4,000) ŵakambanga mathamiku ku Ambuya ndi vyakumbiya vyo ndikupangiya kumbiya mathamiku.”

2 Samuele 6:14

Sono Davidi wanguvina paurongo pa Ambuya ndi nthazi yake yose; ndipo wangujichinyiya efodo wa bafuta.

Yakobe 1:17

Mpasku wose wamampha ndi chawezi chose chizirima nchakutuwa kuchanya chakusika kutuwa ku Dada wa maukweru, mwaku mweniyo mulive ching'anamuka chingana nchiduzi cha ching'anamuka.

Yohane 4:10

Wangwamuka Yesu wangumnene, “Asani unguziŵa mpasku waku Chiuta, ndi mweniyo watukunene, ‘Ndipaskeko ndimwe,’ mphanyi iwe ungupempha iyo, ndi mphanyi wangukupaska maji ghamoyo.”

Sumu 46:4

Kwe msinji wo maji ghake ghakondweska msumba waku Chiuta, uja wakupaturika wa wapachanya limu.

Sumu 149:3

Ŵarumbe zina lawo ndi kuvina; kuŵarumba pakumba ng'oma ndi bangwe.

Sumu 68:26

“Tumbikani Chiuta mu ungano wa ŵanthu ŵake; tumbikani Ambuya, mose mwa ŵamphapu yaku Yisraele!”

Ezekiele 47:1

Sono wangundiwezge ku khomo la kasopi; awonani, maji ghatuwanga kusi ku chiwundu cha kasopi kuchiri ku vuma (pakuti kasopi wangulereska ku vuma); sono maji ghasikanga kutuwa kusi kuumari wa chiwundu kuchiri ku malaŵi kwa kasopi, ku malaŵi kwa jochero.