Sumu 87:4 - Tonga Bible 1986

⁴ “Ndichiŵerenga mitundu yo yitindiziŵa, ndikasazgiyangako Egipiti ndi Babiloni; ndikambenge vyaku Filistia, Turo, ndi Etiopia, kuti nawo we kwaku Yerusalemu.”

Sumu 87:4 Referans Kwoze

Sumu 45:12

ŵanthu ŵaku Turo ŵarondonge ulemu wako ŵachiza ndi vyawanangwa, ŵasambasi kwakuruska mukati mu ŵanthu,

Sumu 68:31

Ŵamirizi ŵakazanga kutuwa ku Egipiti; ŵaEtiopia ŵakasoskanga manja ghawo mu kuromba kwaku Chiuta.

Sumu 89:10

Munguphwanya njoka ya Rahabu ndi kuyibaya; ndi nthazi zinu zikuru munguthereska ŵarwani ŵinu.

Jobu 9:13

“Chiuta kuti wakawezgiyanga vuli cha ukari wake; pasi pake ŵakovya ŵaku Rahabi ŵasindama.

Chivumbuzi 18:2

Ndipo wangukambura ndi mazu ghaunkhankhu watinge, “Wawa! Babiloni mukuru yo, wawa! Wasanduka uja wa ŵademone, ndi linga la mzimu wose wawiyu, ndi mphaku ya chiyuni chose chamwikhu ndi chakutinkhika!

Chivumbuzi 17:5

ndipo pa maso pake zina lingulembeka kwaungari “Babiloni mukuru, nyinau wa ŵareŵi ndi wa maunyakazi gha panupasi.”

Machitidu gha Ŵakutumika 8:27

Ndipo wangusoka ndi wanguruta: ndipo, onani, munthurumi waku Etiopia, wamthenu wamazaza waku Kandake, karongakazi wa ŵaEtiopia, yo wenga mlereze pa mbiku yake yose,

Danyele 4:30

ndipo wanguti, “Asi uyu ndiyo Babiloni mukuru yo ndazenga ndi nthazi zangu zikuru kuŵa msumba wa ufumu, kuwoneskiyamo unkhankhu wa mazaza ghangu?”

Ezekiele 28:2

“Mwana wa munthu, kamba ndi karonga waku Turo, Viyo atiti Ambuya Chiuta: Chifukwa cha kujikuzga kwa mtima wako, ndipo wakamba kuti ‘Ndine chiuta, ndija pa chitengo cha ŵachiuta, mukati mu zinyanja,’ kweni ndiwe munthu, kuti we chiuta cha, nanga wamweni utijipima kuŵa wazeru nge ndi chiuta.

Yeremiya 25:9

ehe, ndikadananga mitundu yose yaku nkhonde atiti Ambuya, ndi Nebukadanezara karonga wa Babiloni, mteŵeti wangu, ndikaŵatoliyanga kuzachilimbana ndi charu ichi ndi ŵakujamo ŵake, kulimbana ndi mitundu yose iyi yakuchizingiriya. Ndikaŵamaranga tetete ndi kuŵachita chakofya, cha kusekeka, ndi chakuyeyeka muyaya.

Yesaya 51:9

Yukani, Yukani, vwarani nthazi, mwa janja la Ambuya; yukani, nge ndimu mazuŵa ghamwaka, migonezi yakale ukongwa. Kumbi kuti ndimwe cha mungudumuwa Rahabi tumanatumana, mungulasa cha nchalinda?

Yesaya 19:11

Ŵeruzgi ŵa Zoani mbabereŵeza kwakufikapo, nduna za zeru zaku Farao zipaska fundu zakupusa. Ungakamba uli kwaku Farao, “Nde mwana wa ŵazeru, mwana wa ŵakaronga ŵamwaka”?

Sumu 137:1

Ku misinji yaku Babiloni, tinguja pasi ndipo tinguliya, tichikumbuka Zioni.

1 Samuele 17:8

Wanguma ndi kudanirizga ku ŵamazaza ŵaku Yisraele, “Chifukwa nchine mwaza ndi kunozge nkhondo? Asi ndine mu Filisti ine, ndipo imwe asi mwe ŵateŵeti ŵaku Sauli? Tondoni munthu mukati mwinu wasikiye kunu kwangu.