Sumu 86:5 - Tonga Bible 1986

⁵ Pakuti mwe amampha, Ambuya, ndi akugowoke; mwaŵakuzara chanju chakufikapo kwaku wose wo ŵadana kwaku imwe.

Sumu 86:5 Referans Kwoze

Yoele 2:13

muparuwe mitima yinu, vyakuvwala vinu cha.” Ng'anamukiyani ku Ambuya Chiuta winu, chifukwa ngwamampha ndi walisungu, wambura kukalipa ruŵi, ndi wakuzara chanju chikuru, ndi wakugowoke uheni.

Chituwa 34:6

Ambuya angudumuwa paurongo pake, ndi wangumemeza, “Ambuya, Ambuya, Chiuta wa lisungu ndi wa wezi, wachizita ku kukara, ndi wakuzara ndi chanju cha wezi ndi ukongorekwa,

Nehemiya 9:17

ŵangukana kuvwiya, ndipo kuti ŵangughanaghanako cha vya minthondwi vyo munguchita mwawo; kweni ŵangungangamiska khosi lawo ndi ŵangumika murongozgi kuti ŵaweriyenge ku uŵanda wawo mu Egipiti. Kweni imwe mwe Chiuta yo we muchanya kale kugowoke, wa wezi ndi walisungu, mwambura kukala ruŵi ndi wakuzala chifundu, ndipo kuti munguŵajowo cha.

Sumu 103:8

Mba chitima ndi ŵawezi Ambuya, mba chizita mu kukaripa, kweni mbakuzala ndi chanju chakufikapo.

Machitidu gha Ŵakutumika 2:21

ndipo kukaŵanga kuti yose yo wangadana zina la Mbuya, wakataskikanga.’

Sumu 145:18

Ambuya epafupi kwaku wose wo ŵatiŵadana, wo ŵatiŵadana mu uneneska.

Sumu 86:15

Kweni imwe, Ambuya, mwe Chiuta walisungu ndi wakwanja, wachizita ku ukari, nyengo yose waulemu ndi ukongorekwa.

Sumu 25:8

Mbamampha ndi akunyoroka Ambuya; chifukwa chenichi asambizga ŵakunanga mu nthowa.

Sumu 130:7

A! Yisraele, gomekezga mu Ambuya! Chifukwa mwaku iwo mwe chifundu cha muyaya, mu Ambuya mwe uwombozi wakuzara.

Yohane 4:10

Wangwamuka Yesu wangumnene, “Asani unguziŵa mpasku waku Chiuta, ndi mweniyo watukunene, ‘Ndipaskeko ndimwe,’ mphanyi iwe ungupempha iyo, ndi mphanyi wangukupaska maji ghamoyo.”

Mika 7:18

Ndi yani Chiuta yo wenge ndimwe, wakugowoke maubendezi ndi kureke maulakwi gha ŵakujako ŵa ŵanthu ŵake? Kuti watufya mtima kwakukiyakiya cha, chifukwa wakondwa mu chanju chake.

Danyele 9:9

Ku Ambuya Chiuta widu, kwe lisungu ndi chigowoke; chifukwa tamunangiya,

Ezekiele 36:37

“Viyo atiti Ambuya Chiuta; Ichi nacho so ndikazomerezganga kuti nyumba yaku Yisraele ŵandipemphe cho ndingaŵachitiya: kwandaniska ŵanthu ŵawo nge ndi mskambu.

Ezekiele 36:33

“Viyo atiti Ambuya Chiuta: Pa zuŵa lo ndikakuphotoninga, ku maukazuzi ghinu ghose, ndimujarikeninge mu misumba ndipo malo gha mapopa ghakazengekanga so.

Yeremiya 33:3

Danani kwaku ine ndipo ndikwamukeninga, ndikuneniyeninga vinthu vikuru ndi vyakubisika vyo mulivi kuviziŵapo.

Sumu 119:68

Mwe amampha, ndi aulemu; ndisambizgeni vilangulu vinu!

Yona 4:2

Ndipo wanguromba ku Ambuya ndi wanguti, “Ndimurombani, Ambuya, ndatinge uku ndiko kunguŵa kukamba kwangu, penipo ndenga ndeche mu charu changu? Pa chifukwa cho ndinguthaŵiya ku Tarshishi; chifukwa ndinguziŵa kuti ndimwe Chiuta walisungu, ndi wawezi, wachizita kukalipa, ndipo wakuzala chanju, ndi wakugowoke uheni.

Yesaya 55:7

muheni wareke nthowa yake, ndi wakuwura urunji maghanaghanu ghake; wawere ku Ambuya, kuti amuŵiye ndi lisungu, ndi kwaku Chiuta widu, pakuti wagowokiyenge kwakuzala.

Sumu 130:4

Kweni mutitigowoke, alinga kuti timopeni imwe.

Sumu 69:16

Chifukwa cha umampha wa chifundu chinu, Ambuya, mundamuke; mu chisungu-sungu chinu chikuru, ng'anamukiyani kwangu.

Sumu 36:7

A! Naku nkhuzirwa kwa chifundu chinu, A Chiuta! Ŵana ŵaŵanthu ŵadingang'a mu chiduzi cha mapapiku ghinu.

ŴaEfeso 2:4

kweni chiuta, pakuŵa msambasi mu lisungu, chifukwa cha chanju chake chikuru chenicho wangwanja nacho ifwe,

Sumu 52:1

Utijitumbwiyanjimu uheni, wa chilimbi we, ndi viheni vyo vichitikiya pa wakopa Chiuta? Zuŵa lose, utata pharghaniko.

Sumu 50:15

undidane mu zuŵa la suzgu; ndikupozomoskenge, ndipo undikankhuskenge.”

Sumu 69:14

Nditaskeni ku kuzoroke mu urambwi; ndikwamphuweni ku ŵarwani ŵangu, ndiku ndimba ya maji.

Sumu 103:3

Mbakugowoke kubende kwako kose, mbakuchizga nthenda zako zose.