Sumu 85:13 - Tonga Bible 1986

¹³ Urunji udanjiyenge paurongo pa Ambuya, kunozge nthowa marwayo ghawo.

Sumu 85:13 Referans Kwoze

Sumu 89:14

Ufumu winu ukujarikika pa urunji ndi cheruzgu; chanju ndi ukongorekwa vye mu chitu zinu zose.

Yohane 13:34

dangu lifya ndikupaskani, kuti mwanjane; nge ndimo ine ndakwanjiyani, imwe so mwanjane.

1 Yohane 2:6

yo watiti waja mwaku iyo, nayo so watenere kwenda, uli ndimo wangwende Yuwa.

1 Petro 4:1

Viyo mwakuti Kristu wangukomwe mu liŵavu, namwe so jiphatiyeni ndi kapimidu keniko ndiko (pakuti mweniyo wakomwa mu liŵavu warekeko ku ulakwi);

ŴaGalatia 2:20

Pamoza ndi Kristu ndapayikika; kweni nde wamoyo; kweni ine so cha, kweni ndi Kristu yo waja wamoyo mwangu: ndipo umoyo wo ndijariya sono mu liŵavu, ndiujariya mu chivwanu cha mu Mwana yo waku Chiuta, yo wangundanja, ndi wangujipereka pa chifukwa chaku ine.

2 ŴaKorinte 3:18

Ndipo ifwe tose, ndi chisku chakuvwinkhulika, tithoŵa uli ndi mu kayilole unkhankhu wa Mbuya, ndipo tisanduskikiya mu chikozgu icho cha kaŵiru kake, kutuwa ku unkhankhu kuya ku unkhankhu, nge ndimo uziya kutuliya ku Mbuya yo ndi Mzimu.

Yesaya 58:8

Po ndipo ukweru winu ukangwerukanga uli ndi matandakucha, ndipo kuchira kwinu kukazanga ruŵiruŵi; ukongorekwa winu ukamudanjiriyaninga, unkhankhu wa Ambuya ukaŵanga chivekeru cha kuvuli.

Sumu 119:35

Mundirongozge mu nthowa ya malangulu ghinu, chifukwa mwaku ghenigho ndimu ndikondwere.

ŴaLevi 26:4

ndikakupaskaninga vuwa mu nyengo zake, ndipo charu chikapasanga vipasi vyake.

Yeremiya 31:14

Ndikaliskanga ŵazukuru ndi vyakuzala, ndipo ŵanthu ŵangu ŵakagutanga ndi umampha wangu, atiti Ambuya.”

Ezekiele 36:30

Ndikandaniskanga vipasi vya miti ndi mbeu yamu munda, mwakuti mureke kuŵa so ndi suzgu ya chilengesku cha chilala mukati mu mitundu.