Sumu 84:7 - Tonga Bible 1986

⁷ Ŵakuliya-ukuliya munthazi ŵachiruta; mu Zioni ŵakawonanga Chiuta wa ŵachiuta.

Sumu 84:7 Referans Kwoze

Nthanthi 4:18

Kweni nthowa ya ŵarunji ye uli mbukweru wa matandakucha weniwo utuwiya-tuwiya mpaka kwachiya limu.

Yesaya 40:31

kweni wo ŵalindizga Ambuya, ŵakawerezgangamo nthazi zawo, ŵakaphururukanga ndi mapapa uli ndi nombo, ŵakachimbiyanga kwambura kugongowa, ŵakayendanga kwambura kuvuka.

2 ŴaKorinte 3:18

Ndipo ifwe tose, ndi chisku chakuvwinkhulika, tithoŵa uli ndi mu kayilole unkhankhu wa Mbuya, ndipo tisanduskikiya mu chikozgu icho cha kaŵiru kake, kutuwa ku unkhankhu kuya ku unkhankhu, nge ndimo uziya kutuliya ku Mbuya yo ndi Mzimu.

Jobu 17:9

Ndipuuli murunji walemetere ku nthowa yake, ndipo yo wendi manja ghakuphotoka wakuwakuwa ndi nthazi.

2 Petro 3:18

Kweni kuliyanimu wezi ndi mziŵiru wa Ambuyafwe ndi Mtaski Yesu Kristu. Mwaku iyo kuŵiye unkhankhu wo sono ndi ku zuŵa lamuyaya. Ameni.

Sumu 43:3

Tumani ukweru winu ndi uneneska winu; vindirongozge, vindifikiske ku phiri linu lakupaturika ndi kweniko muja imwe!

Marangu 16:16

“Katatu mu chirimika ŵanthurumi ŵinu wose ŵakawonekanga paurongo pa Ambuya Chiuta winu pa malo gho ŵakasankhanga; pa dghera la chiŵande chambura mtupu, pa dghera la ŵasabata, ndi pa dghera la misasa. Wangawonekanga paurongo pa Ambuya ndi manja ghaŵaka cha;

Yohane 14:3

Ndipo asani ndaruta ndi kukurongosoleni malo, ndituza so, ndipo ndazamkukutoriyani kwaku ndamweni; alinga kuti ko nde ine, namwe so muŵe kweniko.

Yohane 1:16

Pakuti wapaska wezi kwaku ifwe tose rutaruta kutuwa ku uzari wake.

Sumu 42:2

Mzimu wangu uparanthukiya Chiuta, Chiuta wamoyo. Ndizenge zuŵanji ndi kulereska chisku chaku Chiuta?

Yohane 15:2

Mphanda yose mwaku ine yambura kupasa, atiyipantha: ndipo yose yakupasa atiyitenguliya, mwakuti yipase vinandi.

Yeremiya 31:6

Pakuti likaŵangapo zuŵa lo ŵalonda ŵakadananga mu charu cha mitunthu yaku Efraimu: ‘Yukani, tiyeni tirutenge ku Zioni, ku Ambuya Chiuta widu.’ ”

1 ŴaTesalonika 4:17

pavuli pake ifwe taŵamoyo, taŵakujaririya, tikakwamphulikiyanga pamoza nawo mu mitambo, kwachikumana ndi Ambuya mude; ndipo viyo tikaŵanga muyaya pamoza ndi Ambuya.

Yohane 6:39

Ndipo ili ndi khumbo la wakundituma yo kuti mwaku wose ŵeniwo wandipaska ndingatayapo cha yumoza, kweni kuti ndimyuske pa zuŵa lakumariya.

Zekariya 14:16

Ndipo yose yo wasiyika, mu mitundu yose yo yinguza kulimbana ndi Yerusalemu, wakwerenge chirimika ndi chirimika kusopa karonga, Ambuya ŵa maŵanja, ndikusunga dghera la misasa.

Yesaya 46:13

Ndituza nacho pafupi chipozomosku changu, kuti che kutali cha, ndipo utaski wangu kuti ukasweranaga cha; ndikaŵikanga utaski mu Zioni; chifukwa chaku Yisraele unkhankhu wangu.”

Luka 2:24

ndi kwachipereka sembe, uli ndi cho chakulembeka mu dangu la Mbuya, “Njiŵa ziŵi, pamwenga viunda viŵi.”

Sumu 122:2

Ndipo sono te pano, tama mukati mu malikomo ghako Yerusalemu!

Yesaya 58:11

Ndipo Ambuya akamurongozganinge rutaruta, kugutiska khumbu linu ndi vyamampha, kukhomeska viwanga vinu, ndipo mukaŵanga uli ndi munda wakudiriya maji, nge nchisima cha maji, cho maji ghake kuti ghatuphwa cha.

Ezekiele 34:26

Ndikazichitanga izo thumbiku pamoza ndi malo ghose ghakuzunguliya phiri langu; ndikatumanga vuwa mu nyengo yake; yikaŵanga vuwa yachitumbiku.