Sumu 84:5 - Tonga Bible 1986

⁵ Ŵakutumbikika mbanthu wo nthazi zawo zituliya kwinu, wo mu mtima wawo mwe nthowa yaku Zioni.

Sumu 84:5 Referans Kwoze

2 ŴaKorinte 12:9

Ndipo andinene, “Ngwakukwana wezi wangu: chifukwa nthazi yangu yifiskikiya mu unthomboro.” Viyo nkhajikuzgiyanga kwakukondwa mbwenu mu maunthomboru ghangu, alinga kut nthazi yaku Kristu yigoŵiyenge paku ine.

Zekariya 10:12

Ndipo ndiŵakhozgenge mu Ambuya ndipo ŵakakankhuskikanga mu zina lake,” atiti Ambuya.

Mika 4:2

ndi mitundu yinandi yikazanga ndi kunena kuti: “Tiyeni tikwere ku phiri la Ambuya, ku nyumba yaku Chiuta waku Yakobe; mwakuti watisambizge nthowa zake ndi kuti tendenge mwaku zo.” Chifukwa ku Zioni kukatuwiyanga dangu, ndi mazu gha Ambuya ghakatuwiyanga ku Yerusalemu.

Sumu 40:8

Ndikondwere kuchita khumbo linu, A Chiuta wangu; dangu linu le mukati mu mtima wangu.”

ŴaFilipi 4:13

Ndiziŵa kuchitiya vyose mwaku Kristu mweniyo watindikhomeska.

Yeremiya 31:33

Kweni ili ndi phanganu lo ndikachitanga ndi nyumba yaku Yisraele pavuli pa mazuŵa gho, atiti Ambuya: Ndikaŵikanga dangu mukati mwawo, ndipo ndikalilembanga pa mitima yawo; ndipo ine ndikaŵanga Chiuta wawo, ndipo iwo ŵakaŵanga ŵanthu ŵangu.

Sumu 55:14

Tinguziŵiriyana kukambiskana ghakunowa pamoza; mu nyumba yaku Chiuta tayendiyanga mu umoza widu.

Sumu 42:4

Vinthu ivi ndikumbuka, nge ndimo ndipunguliya mzimu wangu: ponda rutiyanga ndi mzinda, pakuŵadanjiriya ku nyumba yaku Chiuta, mu kukambura kwa likondwa ndi sumu za kuwonga, mzinda wakusunga visopo vya dghera.

Yeremiya 31:6

Pakuti likaŵangapo zuŵa lo ŵalonda ŵakadananga mu charu cha mitunthu yaku Efraimu: ‘Yukani, tiyeni tirutenge ku Zioni, ku Ambuya Chiuta widu.’ ”

Yesaya 26:9

Mzimu wangu unweka imwe ndi usiku, mzimu mukati mwangu upenja imwe ndi linweka. Pakuti asani vyeruzgu vinu vye mu charu chapasi, ŵakuja mu charu ŵasambira urunji.

Sumu 122:1

Ndingukondwa ŵachinena nane, “Tiyeni tirutenge ku nyumba ya Ambuya!”

Sumu 81:1

Kamburiyani Chiuta nthaziyidu; mbani marumbu ku Chiuta waku Yakobe!

Yesaya 45:24

“Mu Ambuya pe, ŵakakambanga gha paku ine, mburunji ndi nthazi; kwaku iyo wakazanga ndi kulengeskeka, wose ŵeniwo ŵangumuyukiya.

Sumu 65:5

Mutitamuka, Chiuta Mtaski widu, ndipo mutititaska pakuchita vinthu vyakuziziswa. Ŵanthu mu charu chose chapasi, ndi ŵakusirgha la zinyanja, ŵagomekezga mwaku imwe.

Sumu 134:1

Zaninga, rumbani Ambuya, mose mwa ŵateŵeti ŵawo, mose imwe mutuma mu nyumba ya Ambuya ndi usiku!