Sumu 81:5 - Tonga Bible 1986

⁵ Wangumika langulu ili mwaku Yosefe, wachituwa mu charu cha Egipiti.

Sumu 81:5 Referans Kwoze

Sumu 114:1

Wachituwa Yisraele mu Egipiti, nyumba yaku Yakobe mu ŵanthu ŵa kakambidu kalendo;

Yeremiya 5:15

“Ehe, ndikatolenga paku iwe mtundu wakutuliya kutali wa nyumba yaku Yisraele, atiti Ambuya. “Uwu ndi mtundu wakukhwima, ndi mtundu wamwaka, mtundu weniwo mazu ghake imwe mulivi kughaziŵa, chingana nkhuti mungawamo cha cho warongoro.

Marangu 28:49

Ambuya akazanga ndi mtundu wa ŵanthu kutuwa ku mpherekezgu za charu chapasi, upusu wawo nge nkhaphururukidu ka nombo, mtundu wo mazu ghake kuti mungavwa cha,

Sumu 77:15

Ndi janja linu munguwombo ŵanthu ŵinu, mphapo yaku Yakobe ndi Yosefe.

Yesaya 28:11

Awa, kweni ndi ŵanthu ŵa milomo yamwenga ndi lilime lilendo Ambuya akarongoronga ndi ŵanthu ŵawo,

Chituwa 12:27

Imwe mutinge, ‘Nchisopo cha kujumphapo ŵaka cha Ambuya pakuti angujumphapo ŵaka pa nyumba za ŵaYisraele mu Egipiti, pa nyengo yo angubayiya ŵaEgipiti kweni angupozomoska nyumba zidu.’ ” Ndipo ŵanthu ŵanguŵerama mitu yawo ndi ŵangusopa.

Chituwa 12:12

Pakuti ndikarutanga mu charu chose cha Egipiti, mu usiku uwa, ndi nkhabayanga wana ŵaumwali wose ŵa ŵanthu ndi ŵa nyama; ndipo pa ŵachiuta wose ŵaEgipiti ndikachitanga cheruzgu: Ndine Ambuya.

Chituwa 11:4

Ndipo Mosese wanguti, “Viyo atiti Ambuya, ‘Ndi usiku pakati ndikarutanga mukati mu Egipiti;

Amosi 6:6

wo ŵatumwa vinyo mu mbali, ndi kujitukutizga ndi mafuta ghamampha, kweni kuti ŵe ndi chitima cha ndi pharghaniku laku Yosefe!

Ezekiele 20:20

ndipo patuwani masabata ghangu alinga kuti ghaŵe chisimikizgu pakati paku ine ndi imwe, mwakuti muziŵe kuti ine ndine Ambuya Chiuta winu.

Sumu 78:6

alinga kuti mgonezi wo utuza uvisambirenge, ndi kuti pavuli pake ŵakambiyenge ŵana ŵawo.

Marangu 4:45

Ivi ndivyo makani ndi vilayizgu, ndi vyeruzgu vyenivyo Mosese wangukambiya ŵana ŵaku Yisraele pavuli pa kutuwa kwawo mu Egipiti.

Chituwa 12:29

Ndi usiku pakati Ambuya angukoso ŵaumwali wose mu charu cha Egipiti, kwamba ku waumwali waku Farao yo wajanga pa chitengo chake cha ufumu, kwachifika ku waumwali wa wakukoreka yo wenga mu zenje la ukayidi, ndi ŵaumwali wose ŵa ng'ombe.