Sumu 80:13 - Tonga Bible 1986

¹³ Nguruŵi zamdondo zitiyiphwatiya pasi, ndipo nyama zose za mudondo zitiyirgha.

Sumu 80:13 Referans Kwoze

Yeremiya 5:6

Chifukwa chenichi nkharamu yakutuwa ku dondo yazakuŵabaya, mphumphi yakutuwa ku bozwa yazakuŵamara. Nyalubwe wakhazga mu mizi yawo, we yose wakutuwa mwaku yo wakaparurikanga tumanatumana; chifukwa vyakulakwa vinandi; kuwere vuli kwawo nkhukuru.

Yeremiya 4:7

Nkharamu yatuwa mu thundu lake, wakupasuwa mitundu wasoka; waruta kutuwa ku malo ghake kwachichita mapopa, charu chinu; mizi yinu yikaŵanga yakubwanganduka, yambura wakujamo.

Yeremiya 52:7

Sono ŵanguswa linga la msumba, ndipo ŵanthu wose ŵankhondo ŵanguthaŵa, ŵangutuwa mu msumba ndi usiku munthowa ya likomo lapakati pa malinga ghaŵi, ku munda wa karonga, po ŵaKaldiya ŵanguzinga msumba. Ndipo ŵanguruta kurata ku Araba.

Yeremiya 51:34

“Nebukadanezara karonga wa Babiloni wandirgha ine, wandiphwanya; wandichita kuŵa chiyaŵi chiyumu, wandimeza ulaka ncha nchalinda: wazaza nthumbu yake ndi vyakunowa vyangu, wandikana ine.

2 ŴaKaronga 17:20

Viyo Ambuya ŵangujowo mphapu yaku Yisraele anguŵayuzga ndipo anguŵapereka mu janja la ŵakunanga mpaka penipo anguŵadikiskapo pa chisku chawo.

Sumu 89:42

Mwapaska upundi ku ŵarwani ŵake, ŵakupindikana ŵake mwaŵakondweska.

Yesaya 5:5

Sono ndikakuneniyaninga, cho ndikachitanga ku munda wangu wa mphereska. Ndikapasuwanga lisitu lake, ndipo ukaliwanga: ndibwanganduliyenge pasi linga lake, ndipo ukaphwatikiyanga pasi.

Ezekiele 19:12

Kweni mphereska yinguzuwika mu ukari, yingupong'eka pasi; mphepo yakutuwa ku vuma yinguyimizga; chipasi chake chingupurutuka, muti wake wanthazi ungufota; moto unguwupirizga.

Nahumu 2:3

Nguru ya vinkhara vyake njiyera, ŵankhondo ŵake ŵavwara viyera. Magareta ghagazima nge ndi mlipu wa moto pa ghalongosoleka umampha; ŵakavalo ŵachilipuka.