Sumu 8:3 - Tonga Bible 1986

³ Po ndilereska machanya ghinu, nchitu ya manja ghinu, mwezi ndi nyenyezi vyo mukumika.

Sumu 8:3 Referans Kwoze

Chiyambo 1:1

Mu chiyambo Chiuta wangulenga kuchanya ndi charu chapasi.

Sumu 33:6

Pa mazu gha Ambuya machanya ghanguchitika, ndipo ndi mvuchi wa mlomo wawo maliŵanja ghake ghose ghanguŵapo.

Sumu 111:2

Zikuru nchitu za Ambuya, zisandika ndi wose wo ŵakondwere mwaku zo.

Sumu 104:19

Mukulenga mwezi kurongo zinyengo; dazi liziŵa kusere kwake.

Sumu 89:11

Nginu machanya, charu chapasi nacho nchimu; charu ndi vyose vya mwenimo, ndinwe mukuvilenga.

ŴaRoma 1:20

Chifukwa kutuwa ku ulengi wa charu vyambura kuwoneka vyake, ndivyu nthazi yake yamuyaya ndi so uChiuta wake, viwoneke limu, pakuteskeka mu machitidu ghake, viyo yaŵa ŵanthu mbambura mphandira.

Luka 11:20

Kweni asani ndi munwi waku Chiuta ndituzgiya ŵademone wo, penipo ndipo wafikiya paku imwe ufumu waku Chiuta.

Chituwa 8:19

Ndipo ŵakuwukwa ŵanguti kwaku Farao, “Uwu ndi muvwi waku Chiuta.” Kweni mtima waku Farao ungunonopeskeka, ndi kuti wangukhumba kuŵategherezga cha, uli ndimo angukambiya Ambuya.

Jobu 22:12

“Kumbi Chiuta kuti wepachanya mu machanya cha? Wona nyenyezi zo ze kuchanya ukongwa, mo ziliri kutali!

Marangu 4:19

Ndipo muchenje vinu mungayunuskiya maso ghinu kuchanya, ndipo penipo mungawona dazi, mwezi, nyenyezi, ndi vya liŵanja lose lakuchanya, mungang'anamukiyaku ndi kuvisopa ndi kuviteŵete vinthu vyenivyo Ambuya Chiuta winu wavipereka ku ŵanthu wose ŵa pasi pa mtambo wose.

Chituwa 31:18

Ndipo angupaska kwaku Mosese, ŵati ŵamala kukamba nayo pa phiri la Sinai, magome ghaŵi gha mapanganu, magome gha mwa, gha kulembeka ndi munwi waku Chiuta.

Sumu 148:3

Arumbeni, dazi ndi mwezi; arumbeni, mwa nyenyezi za kuŵala!

Sumu 19:1

Machanya ghakonkhoma unkhankhu waku Chiuta; mtambo urongo nchitu za manja ghake.

Jobu 25:5

Wona, nanga ndi mwezi kuti ngwakuwala cha ndi nyenyezi kuti zituŵa cha mu maso ghake,

Jobu 25:3

Kumbi maliŵanja gha ŵankhondo ŵake ghaŵerengeka mphakuyani po ukweru wake ureka kuŵara?

Jobu 36:24

“Kumbukani kukuzga mlimu wake, wo ŵanthu ŵatiumbiya.