Sumu 79:1 - Tonga Bible 1986

¹ A Chiuta, ŵamitundu ŵazinga ŵanthu ŵinu mu charu! Ŵakazuzga nyumba yinu yakupaturika, ŵapasuwa Yerusalemu.

Sumu 79:1 Referans Kwoze

Mika 3:12

Viyo chifukwa chaku imwe Zioni wakalimikanga nge ndi munda; Yerusalemu wakaŵanga ndundu ya vyakupasuka, ndi phiri la nyumba nge ndi miti yitali mulisuwa.

2 Mikoka 36:19

Wangocha nyumba yaku Chiuta, ndipo wangubwanganduwa linga lose la Yerusalemu, wangocha zinyumba za ŵakaronga ŵake ndi vyose, wangumbininiska viyaŵi vyose vyamtengo wapatali.

Chitenje 1:10

Murwani watambaruwa manja ghake pa vinthu vyake vyakuzirwa vyose, inya, wawona mitundu yibwanganduwa malo ghake ghakupaturika, ŵeniwo imwe mungukanizga kusere mu maunganu ghinu.

Yeremiya 26:18

“Mika waku Moreshete wanguchima mu mazuŵa ghaku Hezekiya karonga waku Yuda, ndipo wanguti ku ŵanthu wose ŵaYuda, ‘Viyo atiti Ambuya ŵa maŵanja, Zioni wakalimikanga nge ndi munda; Yerusalemu wakasandukanga chimbumira cha vyakunangika, ndipo phiri la nyumba likaŵanga nge ndi malo gha pachanya gha dondo.’

Yeremiya 52:13

Ndipo wangocha nyumba ya Ambuya, ndi nyumba ya karonga, ndi nyumba zose zamu Yerusalemu; nyumba yose yikuru wangocha.

Sumu 78:71

angumuto ko waliskanga mberere za ŵana. Angumchita kuŵa karonga paku Yisraele, mliska wa ŵanthu ŵaku Chiuta.

2 Mikoka 36:17

Pa chifukwa ichi Chiuta wanguŵaziya ndi karonga wa ŵaKildiya yo wangubaya ŵanyamata ŵawo ndi lipanga mu nyumba yawo yakupaturika, ndipo kuti yinguŵachitiya lisungu cha chingana mbanyamata pamwenga ŵamwali, khongwi pamwenga yo wenga khongwi lakukota ukongwa: wanguŵapereka wose mu janja lake.

2 ŴaKaronga 24:13

ndipo wangunyamuwa vyamu mbiku ya nyumba ya Ambuya, ndi vyamu mbiku ya nyumba ya karonga, wangudumuwa tumana-tumana viyaŵi vyose vya golide mu kasopi wa Ambuya vyo karonga Solomoni wangupanga uli ndimo Ambuya angumupangizgiya pakudanga.

Chituwa 15:17

Imwe mukaŵaserezganga ndi kuŵapanda pa phiri laku mwaŵeni malo gho mwaghachita kuŵa chakujamo chinu, Ambuya mwe, malo ghakupaturika gho manja ghinu ghajarika, Ambuya mwe.

Chivumbuzi 11:2

Kweni luluwa lakubwaro ku kasopi ulisiye, ungalipimanga cha; chifukwa likupaskika mu mitundu: ndipo musumba wo wakupaturika ŵakawuphwatiyanga pasi myezi machumi ghanayi ndi yiŵi.

Luka 21:24

Ndipo ŵanyake ŵabayikenge ndi uyi wa lipanga, ndi ŵanyake ŵakorekenge nge mbamagoŵa ku mitundu yose, ndipo Yerusalemu waŵenge wakuphwatika ndi Mitundu, mpaka zifiskikenge nyengu za Mitundu.

Ezekiele 9:7

Wangunena nawo, “Kazuzgani nyumba, zazani mu luluwa ndi ŵakubayika. Rutani.” Wanguruta, ŵangubaya mu msumba.

Yeremiya 39:8

ŴaKaldiya ŵangocha nyumba ya karonga ndi nyumba za ŵanthu, ndi ŵangubwanganduliya pasi malinga gha Yerusalemu.

Yesaya 47:6

Ndingukaripa ndi ŵanthu ŵangu wo ndinguŵasankha, ndi ndinguŵakazuzga. Ndinguŵapereka mu janja linu, kuti munguŵarongo lisungu cha; pa makhongwe munguŵikapo goŵa lizitu kwakurutiriya.

Sumu 50:1

Wanthazi zose, Chiuta Ambuya, warongoro wadana charu chapasi kutuwa ku utuli wa lumwi mpaka ku kuselere kwake.

Yesaya 63:18

Ŵanthu ŵinu ŵakupaturika ŵanguja mu malo ghinu ghatuŵa nyengo yimanavi; ŵakupindikana ŵidu ŵaghapwatiya pasi.

Yeremiya 51:51

‘Ifwe talengeskeka, pakuti tavwa gha chilengesku; soni zavimba chisku chidu, pakuti ŵalendo ŵazamu malo ghakupaturika gha nyumba ya Ambuya.’