Sumu 78:71 - Tonga Bible 1986

⁷¹ angumuto ko waliskanga mberere za ŵana. Angumchita kuŵa karonga paku Yisraele, mliska wa ŵanthu ŵaku Chiuta.

Sumu 78:71 Referans Kwoze

2 Samuele 5:2

Mu nyengo zaruta, po Sauli wenga karonga pachanya pidu, ndimwe mungurongozga Yisraele kutuwa ndi kuwe nayo; Ambuya angukamba namwe, ‘Ukaliskanga khamu langu Yisraele, ndipo ukaŵanga karonga pa ŵaYisraele.’ ”

1 Mikoka 11:2

Mu nyengo zaruta nanga ndi penipo Sauli wenga weche karonga mwenga imwe yo wangurongozga pa kutuwa ndi pa kusere; Ambuya Chiuta winu wangumuneniyani kuti, ‘Ukaliskanga ŵanthu ŵangu, ndipo ukaŵanga karonga pachanya pa ŵaYisraele.’ ”

1 Petro 5:2

liskani muskambu waku Chiuta wo we mwinu, pakuulereze kwakupemberezgeka cha, kweni kwakukhumba, kwakuyana ndi kukhumba kwaku Chiuta; kwaupiripiri nako cha, kweni kwaphamphu;

Yesaya 40:11

Wakaliskanga muskambu wake nge ndi mliska, wakuwunjikanga twana mberere mu manja ghake wakutunyamuwanga pa chifukwa chake, ndipo wenguwengu wakarongozganga zo zendi ŵana.

Sumu 28:9

Taskani ŵanthu ŵinu, ndi ŵatumbikeni wo mbakumwaŵeni, muŵe imwe mliska wawo, ndipo muŵanyamuwe muyaya.

Chiyambo 33:13

Kweni Yakobe wanguti kwaku iyo, “Mbuya wangu waziŵa kuti ŵana mbakutomboloka, ndipo so ng'ombe ndi miskambu yakonkheska vyose viphwelereka ndi ine; ndipo asani vyalutilizga kwenda kwazuŵa limoza, viŵetu vyose vikafwanga.

2 Samuele 7:8

Mu chifukwa ichi ukambenge ndi mteŵeti wangu Davidi, ‘Viyo atiti Ambuya ŵa maŵanja, ndingukuto ku uliska, ku kulondo mberere, mwakuti uŵi mwana wa karonga pa khamu langu Yisraele;

1 Samuele 10:1

Sono Samuele wanguto supa ya mafuta wangupunguliya pa mutu wake, wangumufyofyontha ndi wanguti, “Asi ndi Ambuya wo akupaka mwakuti uŵe chirongozgi wa ŵanthu ŵake ŵaYisraele? Ndipo ukawusanga pa ŵanthu ŵa Ambuya ndi kuŵapozomoska mu janja la ŵarwani ŵawo ŵakuŵazingirizga. Ndipo ichi chiŵenge chisimikizgu kwaku iwe kuti Ambuya akupaka kukupatuwa uŵe fumu pa ŵanthu ŵake.

Mateyu 2:6

‘Ndipo iwe Betelehemu, mu charu chaku Yuda, kuti ndiwe mumana limu kose cha mu ŵarongozgi ŵaku Yuda; chifukwa mwaku iwe mutuliyenge chirongozgi, mweniyo wakawusanga khamu langu Yisraele.’ ”

2 Samuele 20:19

Ine nde yumoza waku ŵeniwo mbachimangu ndi ŵakugomekezgeka mu Yisraele; mupenja kubwanganduwa msumba wo ndi nyinawo mu Yisraele, chifukwa nchine mumezenge msumba wa Ambuya?”

2 Samuele 24:17

Davidi wanguti wawona mungelo yo wakosonga ŵanthu wangunena ndi Ambuya, wanguti, “Wonani, ndananga, ndipo ndachita uheni; kweni nanga mberere izi, kumbi zachitanji? Janja linu, ndi murombani, limikani ndi ine ndipo limikani ndi nyumba ya ada.”