Sumu 78:7 - Tonga Bible 1986

⁷ Mu chifukwa ichi iwo nawo ŵakaŵikanga chigomekezgu chawo mwaku Chiuta, nyengo zose kuvwiya marangu ghake.

Sumu 78:7 Referans Kwoze

Marangu 5:29

Mtima wa viyo wenga mwaku iyo mazuŵa ghose kundopa ndi kusunga marangu ghangu ghose, mwakuti kuŵaŵiye kwamampha iwo ndi ŵana ŵawo muyaya!

Chivumbuzi 14:12

Panu pe unkhunthiya wa ŵakupaturika, wo ŵasungirizga marangu ghaku Chiuta ndi chivwanu chaku Yesu.

1 Yohane 5:3

Chifukwa chenichi nchanju cho chaku Chiuta, kuti tisunge marangu ghake; ndipo marangu ghake gho kuti ngazitu cha.

Marangu 4:9

“Mbwenu mujichenjere mwaŵeni ndi mufwiririyepo kusambira vinu mungaruwa vinthu vyo maso ghinu ghawona, vinu vingatuwamu mu mtima winu mazuŵa ghose gha umoyo winu.

Sumu 103:2

Rumbanga Ambuya, wa mzimu wangu, ndipo ungaruwanga vyakovya vyawo vyose.

Sumu 91:14

Chiuta watiti, “Nditaskenge wo ŵatindanja, ndi kuŵavikiriya wo ŵatindiziŵa.

Sumu 40:4

Wakutumbikika ndi munthu yo Ambuya ndiwo chigomekezgu chake, yo kuti wang'anamukiya ku ŵakujikuzga cha, kwaku wo ŵapatukiya ku ŵachiuta ŵatesi!

Marangu 8:11

“Chenjeni vinu mungaruwa Ambuya Chiuta winu pakureka kusunga marangu ghake, vyeruzgu vyake, ndi visambizgu vyake vyenivyo ndimulanguliyani zuŵa lino.

Marangu 8:2

Ndipo mukumbukenge nthowa yose yo Ambuya Chiuta wangumurongozgani virimika ivi machumi ghanayi (40) mu bozwa, ku muchepeskani ndi kumwesani; kuti waziŵe cho chenga mu mtima winu, vinu musungenge marangu pamwenga cha.

1 Petro 1:21

mwaŵakuvwaniya mwaku iyo paku Chiuta, yo wangumyuska ku ŵakufwa, ndi wangumpaska unkhankhu; viyo kuti chivwanu chinu ndi chigomekezgu chinu viŵe paku Chiuta.

1 ŴaKorinte 11:24

Ndipo wanguti wawonga, wangumenya, ndipo wanguti, “Chenichi ndi liŵavu langu, lapa chifwa chaku imwe: chenichi chitani kwachikumbuka ine.”

Sumu 146:5

Wa mwaŵi ndi munthu mweniyo chovyo chake che mwaku Chiuta waku Yakobe, wakuthamiya mu Ambuya Chiuta wake.

Sumu 105:5

Kumbukani milimu yawo yakuziziswa yo achita, vya minthondwi yawo, ndi vyeruzgu vyo akamba.

Sumu 62:5

Mzimu wangu ulindizga chisisi mwaku Chiuta; chigomezgu changu ndiŵika mwaku iyo.

Marangu 6:12

chenjeni vinu mungachiruwa Chiuta, mweniyo wakumutuzgani mu charu cha Egipiti, munyumba ya uŵanda.

Marangu 6:21

Ndipo imwe mukatinge ku ŵana ŵinu, ‘Tenga ŵaŵanda ŵaku Farao mu Egipiti, ndipo Ambuya angutituzga ndi janja lanthazi.

Marangu 6:25

Ndipo tiŵenge ŵarunji asani tiphwere kuchita marangu ghose yagha panthazi pa Ambuya Chiuta widu, nge ndimo watilanguliya.’

Sumu 105:45

mwakuti ŵanthu ŵawo ŵavwiye malangulu ghawo, ndi kusunga marangu ghawo. Rumbanga Ambuya!