Sumu 78:61 - Tonga Bible 1986

⁶¹ Wanguzomerezga ŵarwani kukwamphuwa bokosi la phanganu, kweniko nthazi ndi unkhankhu wake vyawonekanga.

Sumu 78:61 Referans Kwoze

Sumu 132:8

Ambuya, sokani zani ku malo gha chipumulu chinu, imwe ndi bokosi la phanganu linu.

Sumu 24:7

Yinuskani mwa malikomo mitu yinu! Ndi mujiyinuske, mwa visasa vya mwaka! Kuti karonga wa unkhankhu waseremo.

2 Mikoka 6:41

“Ndipo sono yukani Ambuya Chiuta murutenge mu malo ghinu ghakupumuliyamo, imwe ndi bokosi la phanganu la nthazi zinu. Ŵazukuru ŵinu, Ambuya Chiuta, ŵavwarikike ndi utaski, ndipo ŵatuŵa ŵinu ŵakondwe mu umampha winu.

1 Samuele 4:21

Ndipo wangudana mwana Ikabodi wakuti “Unkhankhu watuwa mu Yisraele!” Chifukwa bokosi la phanganu laku Chiuta lingukwamphulika ndipo so chifukwa cha nyifwa ya asibweni ŵake ndi murumi wake.

1 Samuele 4:17

Wakupinga makani wanguti, “Yisraele wathaŵa paurongo pa ŵaFilisti, ndipo so kwaŵa kubayika kukuru mukati mu ŵanthu, ŵana ŵinu nawo Hofini ndi Finehasi, ŵafwa, ndipo, bokosi la phanganu laku Chiuta lakwamphulika.”

Ŵeruzgi 18:30

Ndipo ŵaDani ŵangujimikiya ngoza waku sema; sono Jonafani mwana waku Gershomu, mwana waku Mosese, ndi ŵana ŵake ŵanthurumi ŵenga ŵazukuru ku fuku la ŵina Dani Kufika ku zuŵa la umkoli wa charu cho.

Chituwa 40:34

Sono mtambo unguvimba pa hema lakuwunganamo ndi unkhankhu wa Ambuya unguzaza hema lakupaturika.

Sumu 63:2

Mphanyi ndamuwonani mu malo ghakupaturika, mphanyi ndawona nthazi yinu ndi unkhankhu winu.

1 Samuele 6:1

Bokosi la phanganu la Ambuya lenga mu charu cha ŵaFilisti myezi yinkhonde ndi yiŵi.