Sumu 78:49 - Tonga Bible 1986

⁴⁹ Wanguŵapasuwa mu ufyu wa kandundu kake, ukari, kuŵaŵa kwa mtima, ndi suzgu; pakutuma mpingu wa ŵangelo ŵakuparghang'a.

Sumu 78:49 Referans Kwoze

Sumu 11:6

Pa ŵaheni wang'iskenge maka gha moto ndi fukunyira; mphepo yakocha yikaŵanga mphoto yawo.

2 Samuele 24:16

Ndipo mungelo wa Ambuya wanguti watambasuliya janja lake pa Yerusalemu ku ŵaparghang'a, Ambuya anguchita chitima ndi uheni uwu, ndipo angunena ndi mungelo wa nchitu ya kuparghang'a ŵanthu, “Mbwenu kwa kwana sono gowozga janja lako.” Ndipo mungelo wa Ambuya wenga pa mbuli waku Arauna muYebusi.

Chituwa 15:7

Mu ukuru wakutumbwa kwinu kwa ukaronga muphwanya ŵakupindikana ŵinu, mutuma ukari winu, utuŵargha uli ndi mbuwa.

Chituwa 12:13

Ndopa zikaŵanga chisimikizgu kwaku imwe, pa nyumba zo mulimo; ndipo ndichiwona ndopa, ndikajumphangapo pinu, ndipo palivi chideru cho chikaŵanga pinu kumunangani, penipo ndikakosonga charu cha Egipiti.

Zefaniya 3:8

“Viyo ndilindizgeni,” atiti Ambuya, “mpaka zuŵa lo nkhaŵiyanga nge ndi kaboni. Chifukwa ndaŵika mtima wangu pakuwungang'a mitundu ya ŵanthu, kuwunjika ŵakaronga, kuti ndipunguliye pawo kundundu kangu, chifundizi chose cha ukari wangu; chifukwa mu moto wa kandundu kangu ka sanji charu chose chazamukufya.

Chitenje 4:11

Ambuya anguzomerezga kwakufikapo ukari wawo, angupunguwa kukara kwawo kwa moto; ndipo angukozga moto mu Zioni, weniwo ungocha viŵanja vyake.

Yesaya 42:25

Viyo wangudira pake kufunda kwa ukari wake ndi kulimba kwa homwa; kungumupong'a pa moto kwakuzunguliya kweti, kweni kuti wanguwamo cha; ungumocha kweni kuti wanguphwereko cha.

Jobu 20:23

po we pafupi kuguta, Chiuta wamutayiyenge ukari wake ukuru, ndi kuwung'iska paku iyo nge nkhurgha kwake.

Jobu 1:12

Ndipo Ambuya anguti kwaku Satana, “Wona, vinthu vyose vyo Jobu we navyo vye munthazi yako, kweni paku iyo mweneko ungaŵikangapo janja lako cha.” Viyo Satana wangutuwapo pa maso gha Ambuya.