Sumu 78:35 - Tonga Bible 1986

³⁵ Ŵangukumbuka kuti Chiuta ndi jarawi lawo, kuti Chiuta wapachanya limu ndi muwombozi wawo.

Sumu 78:35 Referans Kwoze

Marangu 32:4

“Jarawe liya, nchitu yake njakufiskika, pakuti nthowa zake zose za urunji. Chiuta ndiyo mukongorekwa ndi wambura kalema, murumji ndi wakunyoroka.

Yesaya 41:14

Ungopanga cha, owe fusi Yakobe, imwe mwa ŵanthu ŵaku Yisraele! Ndikovyeninge, atiti Ambuya; muwobozi winu ndi Mtuŵa Yumoza yo waku Yisraele.

Chituwa 15:13

“Mwarongozga ŵanthu ŵinu mu chifundu chinu; ŵanthu ŵeniwo imwe mwawombo, mwaŵarongozga ndi nthazi yinu kuya ku chakujamo chinu chakupaturika.

Tito 2:14

mweniyo wangujipaska pa chifwa chaku ifwe, alinga kuti wawombolenge ifwe kwamu uchikana marangu wose, ndi wajitozgiyenge khamu lapa mtima wake, lakupamphukiya nchitu zeneko.

Marangu 32:15

“Kweni ŵanthu ŵaku Jeshuruni ŵangututuŵa ukongwa ndi ŵangusakata, ŵangututuŵa ukongwa, ŵangukuwa kuŵa ŵakhome, ŵangute fwatefwa. Ndipo ŵangusiya Chiuta yo wanguŵalenga, ndi ŵangutafula pa jarawe la utaski wawo.

Marangu 7:8

Kweni nchifukwa chakuti Ambuya atumwanjani, ndipo asunga rapu lo angurapa ku auskemwe, ndimo Ambuya amutuzgiyani ndi janja lanthazi ndi kumuwomboni ku nyumba ya uŵanda, kutuwa mu janja laku Farao karonga wa Egipiti.

Yesaya 48:17

Viyo atiti Ambuya, Muwombozi winu, Mtuŵa Yumoza waku Yisraele: “Ndine Ambuya Chiuta wako, mweniyo watikurunguchizga kusakata, mweniyo watikurongozga mu nthowa yeniyo utenere kwendamo.

Yesaya 44:6

Viyo atiti Ambuya, Karonga waku Yisraele ndi Muwombozi wake, Ambuya ŵa maŵanja: “Ndine wakudanga ndipo ndine wakumariya; pade paku ine palivi chiuta.

Sumu 106:21

Ŵanguruwa Chiuta mtaski wawo yo wanguchita vikuru mu Egipiti,

Sumu 106:13

Kweni ruŵi ŵanguruwa vyo ŵanguchita, kuti ŵangulinda urongozgi wake cha.

Sumu 78:42

Ŵanguruwa nthazi zake zikuru, ŵanguruwa nyengo yo wanguŵataskiya ku ŵarwani ŵawo,

Sumu 78:11

Ŵanguruwa nchitu zake, vwakuziziswavyo wanguŵarongo.

Sumu 78:7

Mu chifukwa ichi iwo nawo ŵakaŵikanga chigomekezgu chawo mwaku Chiuta, nyengo zose kuvwiya marangu ghake.

Sumu 74:2

Kumbukani mpingu winu, wo mukugula mwaka, ŵanthu wo mukuwombo kuŵa khamu laku mwaŵeni. Kumbukani phiri la Zioni, mo mwajanga!

Marangu 15:15

Mukakumbukanga kuti mwenga ŵaŵanda mu charu cha Egipiti, ndipo Ambuya Chiuta winu wangumuwomboni, viyo ndimulanguliyani dangu ili zuŵa ili.

Marangu 9:26

Ndinguromba ku Ambuya, ndinguti, ‘Ambuya Chiuta, rekani kupasuwa ŵanthu ŵinu, wo mukuŵasankha, ŵeniwo mwaŵawombo mu ukuru winu mwaŵatuzga mu Egipiti ndi janja la nthazi.

Chituwa 6:6

Viyo kamba ku ŵaYisraele, ‘Ndine Ambuya, ndipo ndikakutuzganingiko kusi ku mphingu za ŵaEgipiti, ndipo ndikakupozomoskaninga ku uŵanda wawo, ndipo ndikakuwomboninga ndi janja lakutambaruwa ndipo ndi nchitu zikuru za cheruzgu,