Sumu 78:21 - Tonga Bible 1986

²¹ Viyo Ambuya anguvwa, angukaripa; ndipo ukari wawo paku iwo ungukuwa; angupweteka ŵanthu ŵawo ndi moto,

Sumu 78:21 Referans Kwoze

Yuda 1:5

Kweni ndikhumba kumkumbuskani, mwaŵakuziŵiya limu vyose, kuti Ambuya, ŵati ŵataska khamu ku Egipiti, pavuli po anguŵananga ŵambura kuvwana.

1 ŴaKorinte 10:11

Ivi vinguŵaŵiya ŵa nge nchakuteskiyapo; ndipo vingulembeke kutichenjezga ifwe, paku taŵenifwe wafikiya umari wa migonezi.

ŴaHebere 12:29

chifukwa nadi Chiuta widu ndi moto wakunyeka.

1 ŴaKorinte 10:5

Kweni Chiuta wengavi kukondwa ndi urapasi waku wo; rekani ŵangumwaranikiya mu bozwa.

Sumu 78:31

Chiuta wangukwiya paku iwo, ndipo wangubayapo ŵanthu ŵanthazi, ŵanyamata ŵakuzirwa ŵa ŵaYisraele!

Marangu 32:22

Pakuti moto wakozgeka ndi ukari wangu ndipo unyeka kufika pa ndimba ya muunda, ubwanganduwa charu chapasi ndi vya uzali wake, ndipo utocha viwanga vya mapiri.

Maŵerengedu 11:10

Ndipo Mosese wanguvwa ŵanthu ŵachiliya kosekose mu mbumba zawo, munthu yose pa khomo pa hema lake; penipo ukari wa Ambuya ugukole ukongwa, ndipo Mosese nayo wangukala.

Yesaya 63:10

Kweni ŵangugaruka ndi kukaraliska Mzimu wake wakupaturika; viyo ŵangung'anamuka wanguŵa mphindikwa yawo, ndipo iyo mweneko wangurwana nawo.