Sumu 77:10 - Tonga Bible 1986

¹⁰ Pavuli ndinguti, “Cho chitindipweteka weniukongwa nchakuti Chiuta kuti ngwanthazi so cha.”

Sumu 77:10 Referans Kwoze

Marko 9:24

Sosonukweni wiske wa mwana yo, wakubongo wanguti, “Ndivwana; wovyani uwura chivwanu wangu.”

Sumu 31:22

Ine mukuchiruka kwangu ndinguti, “Ndadikiskikiya kutali kutuwako ku chisku chinu.” Kweni munguvwa kuŵeyere kwangu, po ndinguliriya chovyo kwaku imwe.

Jobu 42:3

‘Ndiyani uyu wambura zeru, wabisafundu?’ Chifukwa ichi ndakamba vyo ndengavi kuviziŵa umampha, vinthu vyakuziziswa ukongwa kwaku ine, vyo ndengavi kuviziŵa.

Chituwa 15:6

Janja linu lakurghiya, Ambuya mwe, lakutumbwa mu nthazi, janja linu lakurghiya liphwanya ŵamawongo, Ambuya mwe.

Sumu 77:5

Ndighanaghana ndi mazuŵa gha mwaka, ndi kukumbuka virimika vya migonezi ya kali.

Sumu 73:22

ndenga wakupusa, ndipo kuti ndinguwamo cha; ndinguchitange ndi nyama pa maso pinu.

Marangu 4:34

Paŵavi chiuta nanga njumoza yo wesapo kuruta ndi kwachijitore mtundu wa ŵanthu mukati mu mtundu wa ŵanthu ŵanyake, ndi kuŵasosomo ndi visimikizgu ndi vyakuziziswa, ndi nkhondo, ndi janja la nthazi ndi mkono wakunyoroka, ndi vyakofya vikuru kwakuringana ndi vyose vyo Ambuya Chiuta winu wangukuchitiyani mu Egipiti pa maso ghinu?

Sumu 116:11

Inya, nanga ndi penipo ndenga wamantha, ndakambanga kuti, “Ŵanthu ŵalivi magomezgeka.”

Yesaya 63:15

Lereskani pasi kutuliya kuchanya, muwone, kutuliya uja winu utuŵa ndi wa unkhankhu. Kumbi lepani phamphu linu, ndi kulimba kwinu? Linweka la mtima winu ndi chifundu chinu, vyatuzgikako kwangu.