1 Ndiliriya kwaku Chiuta; ndiliya, ndipo watindivya.
Ndidanirizga ukongwa ku Ambuya, ndipo atindimuka kutuliya mu phiri lawo lakupaturika.
Wanthazi zose, Chiuta Ambuya, warongoro wadana charu chapasi kutuwa ku utuli wa lumwi mpaka ku kuselere kwake.
Ndinguti, “Ndikaphwerenga nthowa zangu, mwakuti ndireke kwananga ndi lilime langu; ndimangenge mlomo wangu ndi chakumangiya, penipo pose ŵaheni ŵe pamaso pangu.”
Kwaku Chiuta pe ulindizga chisisi mzimu wangu; utaski wangu utuliya kwaku iyo.
Musauchi uyu wangubongo, ndipo Ambuya angumuvwa, angumtaska mu visuzgu vyake vyose.
Wose ŵarongozegekanga ndi auskeu mu kumba sumu mu nyumba ya Ambuya ndi ŵafyoliro, ŵazezi; ndi ŵabangwe mu uteŵete wamu nyumba yaku Chiuta. Asafi, Yedutuni, ndi Hemani ŵenga pasi pa langulu la karonga.
ŴaYedutuni, ŵana ŵaku Yedutuni: Gedaliya, Zeri, Yeshaya, Shemei, Hashabiya, ndi Matitiya, ŵankhonde ndi yumoza, ŵakurongozgeka ndi auskeu Yedutuni, wo ŵanguchima mukumba ŵabangwe kuwonga ndi kuthamika Ambuya.
