Sumu 74:19 - Tonga Bible 1986

¹⁹ Rekani kutaya ŵanthu ŵanu ŵambura wakovya ku ŵakupindikana ŵawo ŵakari; rekani kuruwa ŵanthu ŵinu ŵakumangika.

Sumu 74:19 Referans Kwoze

Sumu ya Zisumu 2:14

Owe nkhunda yangu, mu vinkhwawu vya jarawi, mu mazenje ghakubisika, mphanyi ndawona chisku chako, ndivwi mazu ghako, pakuti mazu ghako ngakunowa, ndipo chisku chako nchakunozga.

Mateyu 10:16

“Awonani, ndikutumani imwe nge ndi mberere mukati mu zimphumphi. Viyo muŵe ŵachinjeru nge ndi zinjoka, ndi ŵakuzika nge ndi zinkhunda.

Sumu 9:18

Chifukwa msauchi kuti wakaruwikanga nyengo yose cha, ndipo chigomezgu cha ŵakavu kuti chikamariyanga limu cha muyaya.

Zefaniya 3:12

Chifukwa ndisiyenge mukati mwako ŵanthu ŵakuzika ndi ŵakujiyuyuwa. Ŵakapenjanga chiphokwelu mu Ambuya.

Yesaya 60:8

Mbayani yaŵa wo ŵaphururuka uli ndi mtambo, nge ndi nkhunda ku madangazi ghawo?

Sumu ya Zisumu 4:1

Ehe, ndiwe wakutowa, chanju changu, awona, ndiwe wakutowa. Maso ghako ghenge nga nkhunda, musina mwa chivwinkhu chako. Sisi lako lenge ndi muskambu wa mbuzi, wakusika pa vinkhwawu vya Gileada.

Sumu 72:2

alinga kuti weruzgenge ŵanthu ŵinu mu uneneska, ndi kuwunganiska ŵasauchi mu urunji.

Sumu 68:13

ŵanguwoneka ulaka ndi nkhunda; ŵakubenekereka ndi siliva, wo mapapiku ghawo ghagadima ndi golide lakwengeka. Chifukwa nchine ŵanyake ŵaku imwe ŵajanga mu malikutu gha mberere?

Sumu 68:10

ŵanthu ŵinu ŵanguzenga muzi wawo muwa; mu umampha winu mungusakatiska ŵasauchi.

Sumu ya Zisumu 6:9

Nkhunda yangu, murungi wangu, njumoza pe mbwenu, wapa mtima ku anyina, ngwakusankhika waku mweniyo wakumupapa. Ŵamwali ŵangumuwona ndipo ŵangumudana kukondwa; mafumukazi, pamoza ndi mbiligha viyo, ŵangumukuzga ukongwa.

Sumu 10:12

Sokani, Ambuya; Chiuta mwe, soskani janja linu; mungaruwa wakusuzgika.