Sumu 73:6 - Tonga Bible 1986

⁶ Viyo ŵavwara kujikuzga ulaka ndi pheska; ndi chiwawa ulaka ndi munjirira.

Sumu 73:6 Referans Kwoze

Sumu 109:18

Wangujivwarika kutemba ulaka ndi raya lakuvwara, matembo ghake ghamuzumbwiske nge ndi maji, ghazumbwiske viwanga vyake nge ndi mafuta!

1 Petro 5:5

Mwaŵamanako, kwakulingana, therani ku ŵara. Ndipo mose ku ŵanyinu mujichinyiriye ndi kujiyuyuwa mtima, pakuti, “Chiuta wamikana ndi ŵakujana, kweni wapaska wezi ku ŵakujiyuyuwa.”

Danyele 4:30

ndipo wanguti, “Asi uyu ndiyo Babiloni mukuru yo ndazenga ndi nthazi zangu zikuru kuŵa msumba wa ufumu, kuwoneskiyamo unkhankhu wa mazaza ghangu?”

Nthanthi 1:9

pakuti ivi ndi mwenera wa mutu wako ndi mukanda wa khosi lako.

Ŵeruzgi 8:26

Ndipo uzitu wa ndeŵeleŵi za golide zo wangupempha wenga mashekelo chikwi chimoza ndi machumi pe chumi ghankhonde ndi ghaŵi (1,700) gha golide; pamoza ndi mapheska ndi vyakupayika ndi vivwaru viyera vyo ŵavwaranga ŵakaronga ŵa ŵaMidiyani, pamoza ndi maunyolo gho ghenga mu makhosi gha ŵagamila ŵawo.

Mika 3:5

Viyo atiti Ambuya kunena ndi ŵamchimi wo ŵalandizga ŵanthu ŵangu, wo ŵadanirizga kuti, “Chimangu,” po ŵe ndi kanthu kakurgha, kweni ŵalongoso nkhondo paku yo walivi kuŵika kanthu mu milimu yawo.

Ezekiele 16:11

Ndingukusatira so ndivyakusatiriya, ndingukuvwarika makoza mu manja ndi mukanda pa khosi lako.

Yeremiya 48:29

Tavwa gha kujikuzga kwaku Moabu ndipo nadi watijikuzga ukongwa, pa kujituntha kwake, kujikuzga kwake, ndi kujitukumuwa kwake, ndi kujikwezga kwamtima wake.

Yeremiya 48:11

Moabu waja pa chimangu kutuliya ku uhurwa wake, nge ndi vinyo yo watengama pa visika vyake; walivi kukhutulikapo kutuwa ku chiyaŵi ichi kuya ku chiyaŵi chiya, walivi kurorekapo nanga nkhu umkoli; chifukwa cho kunowa kwake kweche mwake, ndipo chema chake kuti chasinthapo cha.

Yesaya 3:19

ndiŵereŵi, makoza, ndi mikanda;

Sumu ya Zisumu 4:9

Wanyamuwa mtima wangu, mzichi wangu, bwezi langu lanthengwa, wanyamuwa mtima wangu ndi kalereskedu ka maso ghako, ndi kujeduka kwa mkanda umoza wapa khosi lako.

Wakutaula 8:11

Chifukwa cheruzgu chapa nchitu yiheni kuti chifiskika ruŵi cha, mtima wa ŵana ŵa ŵanthu ukuzikitizgikiya limu kuchita uheni.

Nthanthi 4:17

Pakuti ŵaturgha chiŵande cha uheni ndi ŵatuma vinyo wa ndeu.

Nthanthi 3:31

Reka kuchitiya sanji munthu wa ndeu ndipo ungasankhangapo nanga njimoza ya nthowa zake cha;

Sumu 109:29

Ŵarwani ŵangu ŵarengeskeke; ŵavware soni zawo nge nchirundu!

Estere 3:1

Pavuli pa vinthu ivi karonga Ahaswerusi wangumtumphuwa Hamani mwana waku Hamedata mu Agagi, wanguŵika chitengo chake pachanya pa vitengo vya ŵakaronga wose wo wenga nawo.

Marangu 32:15

“Kweni ŵanthu ŵaku Jeshuruni ŵangututuŵa ukongwa ndi ŵangusakata, ŵangututuŵa ukongwa, ŵangukuwa kuŵa ŵakhome, ŵangute fwatefwa. Ndipo ŵangusiya Chiuta yo wanguŵalenga, ndi ŵangutafula pa jarawe la utaski wawo.

Chiyambo 41:42

Viyo Farao wanguto mphete yake ya chisimikizgu kuyizuwa pa janja lake ndi kuyivwarika pa janja laku Yosefe ndipo wangumuvwarika vivwalo vya kutowa vituŵa vyamampha, ndipo wanguvwarika unyoro wagolide mu khosi lake;