Sumu 73:3 - Tonga Bible 1986

³ Chifukwa ndinguchita sanji ndi ŵakujikuzga, po ndinguwona kuti ŵaheni ndiwo ŵasakata.

Sumu 73:3 Referans Kwoze

Jobu 21:7

nchifukwa uli ŵaheni ŵaja ndi umoyo, ŵafika ku ukhongwe, ndi ŵatuŵa ndi nthazi?

Yeremiya 12:1

Murunji ndimwe, Ambuya mwe, po ndidandauliya kwaku imwe; kweni ndikaperekanga makani ghangu paurongo pinu. Chifukwa chine nthowa ya muheni yisakata? Wakupusika chifukwa chine watuŵa wamoyo?

Nthanthi 23:17

Mtima wako ungachitiyanga sanje ŵaheni cha, kweni lutiliyanga mu kopa Ambuya zuŵa lose.

Sumu 37:7

Uje chisisi paurongo pa Ambuya, uŵalindizge kwakuzika; reka kujikweŵeska chifukwa cha wakusakata mu nthowa yake, chifukwa cha munthu wakuchita viheni!

Sumu 37:1

Ungafyanga mtima cha chifukwa cha ŵakuchita uheni, chingana nkhuŵiniwa ŵakuchita ubendezi.

Nthanthi 24:1

Ungaŵachitiyanga sanje cha ŵanthu ŵaheni, chingana nkhunweka kuŵa nawo pamoza;

Yakobe 4:5

Pamwenga kumbi murunguruka kuti lembo lo likamba waka, “Wanweke kwasanji mzimu wo wajariska mwidu?”

Nthanthi 3:31

Reka kuchitiya sanji munthu wa ndeu ndipo ungasankhangapo nanga njimoza ya nthowa zake cha;

Jobu 12:6

Mahema gha ŵapoki ghepa chimangu, ndi wo ŵasosomo Chiuta ŵaja umampha, wo ŵatuza ndi chiuta wawo mu manja ghawo.

Jobu 17:8

Ŵakunyoroka ŵazizwa ukongwa ndi ichi, wambura chifukwa wajiyuska kumikana ndi ŵanthu wo ŵapata Chiuta.

Jobu 24:23

Watuŵapaska chimangu ndipo ŵakhozgeka, maso ghake ghe pa nthowa zawo.

Sumu 10:5

Nyengo zose nthowa zake zisakata; vyeruzgu vinu vye pachanya, patali ndi iyo; ŵarwani ŵake wose, wati ŵanyoza.

Wakutaula 7:15

Ine ndawona vinthu vyose mu umoyo wangu waŵaka; walipo munthu murunji yo wafwiya mu urunji wake, ndipo walipo munthu muheni yo wajaririya mu umoyo wake mu nchitu zake ziheni.

Malaki 3:15

Kwamba le titeska kuti ŵakujikuzga mbakutumbikika. Wo ŵachita uheni ŵasakata, ndipo penipo ŵamwesa Chiuta ŵaphokwa.’ ”