Sumu 73:26 - Tonga Bible 1986

²⁶ Mtima wangu ndi liŵavu langu vingagongowa, kweni Chiuta ndi nthazi yangu; ndiyo pe yo ndikhumba muyaya!

Sumu 73:26 Referans Kwoze

Sumu 138:3

Mungundamuka po ndingudana kwaku imwe; ndi nthazi yinu mungundikambiska.

Sumu 18:2

Chiuta ndi jarawi langu, linga langu, ndi mpozomoski wangu, Chiuta wangu, jarawi langu, mwaku mweniyo ndidingang'a, ndi nguru yangu, ndi mtaski wangu wa nthazi, linga langu lakukho.

Sumu 84:2

Mzimu wangu unweka, inya uŵeŵefukiya kuja mu maluluwa gha Ambuya; mtima wangu ndi luŵavu langu lose vikoŵere chimwemwe kwaku Chiuta wamoyo.

Sumu 63:1

A Chiuta, ndimwe Chiuta wangu, ndipenja imwe, mzimu wangu uparanthukiya imwe, mtima wangu wose unweka imwe, nge ncharu cha chiparamba chakuvuka chamburamaji.

Sumu 142:5

Ambuya, ndiliriya kwaku imwe; Ambuya, imwe, mwe chakudingang'amo changu; phande langu mu charu cha ŵamoyo.

Chitenje 3:24

Mtima wangu utiti, “Ambuya nchigaŵa changu, chifukwa cho ndigomekezgenge mwaku iwo.”

Sumu 27:14

Lindizga Ambuya; uŵe wanthazi, khwima mtima; inya, lindizga Ambuya!

2 Petro 1:14

pa kuziŵa kuti nyifwa yaliŵavu langu ye pafupi, uli ndimo so Ambuyafwe Yesu Kristu wangundirongole.

ŴaFilipi 1:21

Chifukwa kwaku ine kujariya wamoyo ndi Kristu, ndipo kufwa nchanduwu.

Sumu 119:57

Ndimwe pe ndikhumba, Ambuya; ndipangana kuvwiya marangu ghinu.

Sumu 40:12

Pakuti mauheni ghambura maŵerengeka ghandizingirizga; mphurupuru zandisaniya, rekani nditondeka nanga nkhulereska; zaŵa zinandi kwakuruska sisi laku mutu wangu; mtima wangu chipoyo.

Jobu 13:15

Ehe, wakandibayanga; ndilive chigomezgu; ndipuuli nkhavikiriyanga nthowa zangu pa maso pake.

Chivumbuzi 21:7

Yo wapunda waharenge vyenivi; ndipo ndimuŵiyenge Chiuta, ndipo iyo wandiŵiyenge mwana.