Sumu 73:24 - Tonga Bible 1986

²⁴ Mutindirongozga ndi chirunguchizgu chinu, ndipo pa umari mwa mkundironde ndi chitumbiku.

Sumu 73:24 Referans Kwoze

Sumu 32:8

Ndikurunguchizgenge ndi kukusambizga nthowa yo utenere kwendamo; ndikupangenge fundu, jisu langu liŵengepaku iwe.

Yesaya 58:11

Ndipo Ambuya akamurongozganinge rutaruta, kugutiska khumbu linu ndi vyamampha, kukhomeska viwanga vinu, ndipo mukaŵanga uli ndi munda wakudiriya maji, nge nchisima cha maji, cho maji ghake kuti ghatuphwa cha.

Sumu 48:14

kuti uyu ndiyu Chiuta, Chiuta widu muyaya ndi muyaya. Wakaŵanga murongozgi widu muyaya.

Yesaya 48:17

Viyo atiti Ambuya, Muwombozi winu, Mtuŵa Yumoza waku Yisraele: “Ndine Ambuya Chiuta wako, mweniyo watikurunguchizga kusakata, mweniyo watikurongozga mu nthowa yeniyo utenere kwendamo.

Yesaya 30:21

Ndipo makutu ghinu ghakavwanga mazu kuvuli kwinu, kuti, “Nthowa ndi iyi, yendaninga mwaku yo,” penipo mupatukiya ku marghe ndi penipo mupatukiya ku maze.

Sumu 25:9

Arongozga ŵakujiyuyuwa mwaku cho nchakurunjika, ndi kuŵasambizga ŵakusuzgika nthowa yawo.

Yakobe 1:5

Ndipo asani yumoza waku imwe wapere mu zeru, wapemphe kwaku Chiuta, mweniyo wapaska kwaku wose kwawanangwa, ndi kwambura kusinginika; ndipo yikapaskikanga kwaku iyo.

Yohane 16:13

Kweni penipo waza iyo, Mzimu wa uneneska, wazamkukurongozgani mu uneneska wose; chifukwa kuti wazamrongoro vyapa mtima wake cha; kweni vyose vyo watuvwa, wazamkamba: ndipo wazamkukuvumbuliyani vinthu vyo vituza.

Yesaya 58:8

Po ndipo ukweru winu ukangwerukanga uli ndi matandakucha, ndipo kuchira kwinu kukazanga ruŵiruŵi; ukongorekwa winu ukamudanjiriyaninga, unkhankhu wa Ambuya ukaŵanga chivekeru cha kuvuli.

Sumu 84:11

Ambuya ndi muvikiriya widu ndi karonga wa unkhankhu, kutitumbika ndi wezi ndi ulemu; kuti wanora kanthu kose kamampha cha kwaku wose wo mbakuchita urunji.

Sumu 49:15

Kweni Chiuta wawombonge mzimu wangu ku muunda, chifukwa ndiyo wakandilondiyanga.

Sumu 16:7

Nditumbika Ambuya wo atindipaska fundu; mu usiku njuŵi zangu zitindisambizga.

Yohane 17:5

Ada! Ndipaskeni unkhankhu mu maso ghinu sono, nge mbunkhankhu wo ndaŵanga nawo kwinu, chenga chindaŵepo charu.

Yohane 17:24

Ada, wo mwandipaska, ndikhumba kuti ko nde ine, iwo nawo ŵaŵe pamoza nane; mwakuti ŵawone unkhankhu wangu, weniwo mukundipaska; pakuti mungundanja, chenga chindajarikike charu.

Yohane 14:3

Ndipo asani ndaruta ndi kukurongosoleni malo, ndituza so, ndipo ndazamkukutoriyani kwaku ndamweni; alinga kuti ko nde ine, namwe so muŵe kweniko.

Luka 11:13

Viyo asani imwe, mwaŵakuŵa ŵaheni, muziŵa kupaska mipasku yamampha ku ŵana ŵinu, uli ukongwaku Ada wo ŵakuchanya ŵapaskenge Mzimu Wakupaturika ku ŵakuŵapempha?”

Nthanthi 8:20

Nditenda mu nthowa ya urunji, mu miseu ya cheruzgu chirunji,

2 ŴaKorinte 5:1

Chifukwa tiziŵa kuti asani nyumba yapa charu ya hema lidu yabwanganduka, uzengi wakutuliya kwaku Chiuta te nawo, nyumba yakuchitika ndi manja cha, yamuyaya, mu machanya.

Luka 23:46

Ndipo Yesu, wakubongo ndi mazu ghakuru, wanguti, “Ada, mu manja ghinu ndiŵika mzimu wangu!” Ndipo wanguti wanena chenichi wangumara mtima.

Machitidu gha Ŵakutumika 7:59

Ndipo ŵachimudina ndi mya Stefano, wanguromba, wakuti, “Ambuya Yesu, rondani mzimu wangu.”

Maŵerengedu 9:22

Manyi ghenga mazuŵa ghaŵi, pamwenga mwezi, pamwenga kuruska po, gho mtambo ungutandaliya pa chihema, kuja penipo, ŵaYisraele ŵangujaliliya mu ugoŵi kuti ŵangwenda lwendo cha; kweni po ungukwezgeke kuchanya ŵangwenda.

Marangu 18:2

Kuti ŵakaŵanga ndi chihara cha mukati mu ŵabali ŵawo, Ambuya ndiwo chihara chawo, uli ndimo angupanganirana nawo.