Sumu 72:15 - Tonga Bible 1986

¹⁵ Waŵe ndi utali karonga! Wapaskike golide waku Sheba, marombu ŵamurombiyenge kwambura kurekezga; ndipo vitumbiku vyaku Chiuta viŵe paku iyo nyengo yose!

Sumu 72:15 Referans Kwoze

1 ŴaKaronga 10:14

Uzitu wagolide lo linguza kwaku Solomoni mu chirimika chimoza lenga matalente machumi pe chimi ghankhonde ndi limoza ndi machumi ghankhonde ndi limoza ndi ghankhonde ndi limoza (666), matalente gha golide,

Yuda 1:25

kwaku Chiuta yijayija pe, Ntaski widu, kuŵiye mwaku Yesu Kristu Ambuyafwe, unkhankhu, mazaza, ukumu ndi mtufu, uli ndimo kwaŵiyanga yindaŵepo migonezi, kuliri sono, ndipo kukaŵiyanga muyaya. Ameni.

Chivumbuzi 1:18

ndi yo ngwamoyo; ndinguŵa wakufwa, ndi onani, nde Wamoyo ku muyaya ndi muyaya, ndipo nde nayo mijuriru ya Nyifwa ndi Hadesi.

1 Yohane 1:2

(ndipo Umoyo wo ungurongoleka, ndipo tauwona ndipo tisimikizga ndi tikutauliyani Umoyo wo wamwuyaya, wo wenga nawo Dada, ndipo ungurongoleke kwaku ifwe);

2 Petro 3:18

Kweni kuliyanimu wezi ndi mziŵiru wa Ambuyafwe ndi Mtaski Yesu Kristu. Mwaku iyo kuŵiye unkhankhu wo sono ndi ku zuŵa lamuyaya. Ameni.

2 Timote 4:22

Mbuya waŵe ndi mzimu wako Wezi uŵe namwe.

1 ŴaTesalonika 3:11

Kweni Chiuta mweneko Auskefwe, ndi Ambuyafwe Yesu, ayinyoroske kwinu nthowa yidu.

ŴaFilipi 2:11

ndipo kuti lilime lose lizomerezge kuti Yesu Kristu ndi Mbuya, ku unkhankhu waku Chiuta Dada.

2 ŴaKorinte 13:14

Wezi wa Ambuya Yesu Kristu, ndi Chanju chaku Chiuta, ndiŵanase wa Mzimu Wakupaturika vikuŵiyeni imwe mose.

Yesaya 60:6

Mzinda wa ŵagamila ukakuvimbanga, ŵagamila ŵampupuka ŵaku Midiyani ndi Efa; wose ŵakutuwa ku Sheba nawo wakazanga. Ŵakazanga ndi golide ndi vyachema, ndipo ŵazamtaula marumbu gha Ambuya.

Yohane 14:19

Kachalipo kanyengo kamanavi, ndipo charu cho kuti chindiwonenge so cha; kweni imwe mundiwonenge; chifukwa ine ndi wamoyo namwe so muŵenge ŵamoyo.

Yohane 11:25

Wangumnene Yesu, “Ine ndine Chiyuka ndi Umoyo; wakuvwana mwaku ine, chingana wangafwa, waŵenge wamoyo,

Yohane 5:23

alinga kuti wose ŵamtumbike Mwana, uli ndimo watumbikiya Dada. Yo wareka kutumbika Mwana, kuti watumbika Dada wakumtuma cha.

Mateyu 21:9

Ndipo mizinda yakudanjiya ndi yakurondo yabongonga, yakuti, “Hosana, Mwana waku Davidi! Ngwakutumbikika yo watuziya mu zina la Mbuya, Hosana mu mdengwendi!”

Mateyu 6:10

Ufumu winu uze. Khumbu linu lichitike, panupasi nge ndiko kuchanya.

Mateyu 2:11

Wangusere mu nyumba, ndipo ŵanguwona mwana ndi Mariya anyina; ndipo ŵakuwa pasi ŵangumlambiya. Ndipo ŵati ŵabanuwa mbiku zawo; ŵangupaska mipasku, golide, libane, ndi muro.

Sumu 72:19

Litumbikike zina lake la unkhankhu muyaya; unkhankhu wake uzaze mu charu chose, Ameni! Ameni!

Sumu 45:4

Mu kuziza kwako ugarenge ndi kupunda chifukwa cha uneneska ndi kuvikiriya urunji; janja lako lakurghiya likusambizge vinthu vyakofya!

Sumu 21:4

Umoyo wo wangupempha kwaku imwe; mwamupaska, utali wa mazuŵa muyaya ndi muyaya.

2 Mikoka 9:1

Sono penipo fumukazi yaku Sheba yinguvwa ndi mbiri yaku Solomoni yinguza ku Yerusalemu kuzachimwesa ndi mafumbu ghanonono, yakuŵa ndi mzinda ukuru ndi ŵagamira ŵakupinga vyakununkhira ndi golide linandi, ndi mya yakuzirwa, penipo yinguza kwaku Solomoni, yingumunene vyose vyo yenga navyo mu mtima wake.

1 ŴaKaronga 10:10

Pavuli fumukazi yingupaska karonga matalente gha golide machumi pe chumi ndi machumi ghaŵi (120), ndi vyachema vinandi ukongwa, ndi mya ya mtengo wapatali, kuti kunguza so unandi wa vyachema cha pavuli nge ndi vyo fumukazi yaku Sheba yingupaska ku karonga Solomoni.