Sumu 71:13 - Tonga Bible 1986

¹³ Ŵathereskeke ndi ŵamare, ŵakulimbana nane! Ŵalengesekeke, ŵachiti soni wo ŵapenja kundipweteka!

Sumu 71:13 Referans Kwoze

Yeremiya 20:11

Kweni Ambuya ŵe nane uli ndi wankhondo wakofya; chifukwa cho ŵakundisuzga ŵakaguŵanga, kuti ŵakandipundanga cha. Ŵakalengeskekanga weniukongwa, chifukwa kuti ŵakachitangapo kanthu cha, kuyuyulika kwawo kwa muyaya kuti kukaruwikanga cha.

Sumu 35:26

Ŵachiti soni ndipo wose pamoza ŵatimbanizgike, wo ŵakondwa pa soka langu! Ŵavware soni ndi chilengesku wo ŵatijikuzga pakumikana nane!

Sumu 71:24

Ndikambenge vyaurunji winu zuŵa lose swi, pakuti wo wapenjanga kundipweteka ŵatondeka ndipo ŵachita soni.

Sumu 109:29

Ŵarwani ŵangu ŵarengeskeke; ŵavware soni zawo nge nchirundu!

Sumu 35:4

Ŵachiti soni ndi ŵalengeskeke ŵakupenja umoyo wangu! Wawezgeke kuvuli ndipo ŵatimbanizgike ŵakurungurukiya uheni paku ine!

1 Petro 5:5

Mwaŵamanako, kwakulingana, therani ku ŵara. Ndipo mose ku ŵanyinu mujichinyiriye ndi kujiyuyuwa mtima, pakuti, “Chiuta wamikana ndi ŵakujana, kweni wapaska wezi ku ŵakujiyuyuwa.”

Yesaya 41:11

Ehe, wose wo ŵatikuyukiya ŵakalengeskekanga ndi kutimbanizgika, wo ŵalimbana nawe kuti ŵakaŵanga kanthu cha, ŵakamaranga.

Sumu 132:18

Ŵarwani ŵake ndikaŵavwarikanga soni, kweni paku iyo mweneko chifuku chake chikaperekanga kuŵala.”

Sumu 6:10

Ŵarwani ŵangu wose ŵalengeskekenge ndi ŵatenthemenge ukongwa; ŵakaweriyanga kuvuli, ŵakachitanga soni kwamabuchibuchi.

Estere 9:2

ŴaYuda ŵanguwungana pamoza mu mizi yawo mu vigaŵa vyose vya vyaru vya karonga Ahaswerusi, kuŵayukiya wo ŵakhumbanga kuŵapweteka, ndipo kwengavi yumoza yo wanguziŵa kumikisirana nawo, chifukwa chofyu chawo chinguwiya ŵanthu wose.

Sumu 70:3

Ŵatenthemeskeke chifukwa cha soni zawo wo ŵatiti, “Aha, Aha!”