Sumu 7:1 - Tonga Bible 1986

¹ Ambuya Chiuta wangu, mwaku imwe ndidingang'a; nditaskeni kwaku wose ŵakundindondoroska, ndipo ndipozomoskeni,

Sumu 7:1 Referans Kwoze

Sumu 31:15

Nyengo zangu zemu janja linu; ndipozomoskeni mu janja la ŵarwani ŵangu ndi ŵakundiŵemba!

Habakuku 3:1

Rombo laku Habakuku mchimi, kwakuyana ndi Siginoto.

1 Petro 4:19

Viyo, so ŵeniwo ŵakomwa kwakulingana ndi khumbo laku Chiuta ŵapazgiye mauzima ghawu mu kuchita umampha ku mlengi wamagomekezgeka.

Zekariya 14:5

Ndipo dambo la mapiri ghangu liundikenge, chifukwa dambo la mapiri lifikenge kurwande kwake; ndipo muthaŵenge nge ndimo munguthaŵiya chiyewu-yewu mu mazuŵa ghaku Uziya karonga waku Yuda. Ndipo Ambuya Chiuta wino wazenge, ndi ŵatuŵawose pamoza nayo.

Danyele 9:4

Ndinguromba kwa Mbuya Chiuta wangu, ndi kuzomera kuti, “Ambuya Chiuta mkuru, ndi wakofya, wakusunga phanganu ndi lisungu kwaku wo ŵatumwanja ndi ŵasunga marangu ghake;

Yeremiya 31:18

Ndamuvwa Efraimu wachichita chitima, ‘Mungundidikiska ndipo ndingudikiskika, nge ndi thole lambura kusambizgika; ndiwezgeni alinga kuti ndiŵe nge ndi kali pakuti imwe ndimwe Ambuya Chiuta wangu.

Yeremiya 20:11

Kweni Ambuya ŵe nane uli ndi wankhondo wakofya; chifukwa cho ŵakundisuzga ŵakaguŵanga, kuti ŵakandipundanga cha. Ŵakalengeskekanga weniukongwa, chifukwa kuti ŵakachitangapo kanthu cha, kuyuyulika kwawo kwa muyaya kuti kukaruwikanga cha.

Yeremiya 15:15

Ambuya mwe, imwe muziŵa; mundikumbuke ndi muchezge nane, ndipo toleni thayu chifukwa changu pa wakundisuzga. Mukukunthiyapo kwinu rekani kundituzgapo; ziŵani kuti chifukwa chinu ndipinga matozo.

Yesaya 50:10

Njani mukati mwinu yo watopa Ambuya ndi wavwiya mazu gha mteŵeti wawo, yo watenda mu mdima, ndi walivi ukweru, kweni wagomezga mu zina la Ambuya ndi kuyegeme paku Chiuta wake?

Sumu 89:26

Wakakambanga nane, ‘Imwe ndimwe Ada ndi Chiuta wangu; ndimwe muvikiriyi wangu ndi mtaski wangu.’

Sumu 43:4

Penipo ndipo ndikarutanga ku jochero laku Chiuta, kwaku Chiuta chimwemwe changu chakuruska; ndipo ndikatumbikanga imwe ndi bangwe, A Chiuta, Chiuta wangu.

Sumu 32:10

Nganandi maurwirwi ku muheni; kweni chanju chikuru chitimuzingirizga yo ngwakugomekezga mu Ambuya.

Sumu 30:12

alinga kuti mzimu wangu umutumbikeni imwe ureke kujachete. Ambuya Chiuta wangu, ndiperekenge viwongo kwaku imwe muyaya.

Sumu 30:2

A, Ambuya Chiuta wangu, ndingukutiya chovyo kwaku imwe, ndipo imwe mungundichizga.

Sumu 26:1

Nderuzgeni, A Chiuta, pakuti ine ndayenda mu ukongorekwa wangu, ndipo ndagomekezga mu Ambuya kwambura kusukunika.

Sumu 18:28

Inya, imwe mukozga nyali yangu; Ambuya Chiuta wangu wangweruska mdima wangu.

Sumu 18:2

Chiuta ndi jarawi langu, linga langu, ndi mpozomoski wangu, Chiuta wangu, jarawi langu, mwaku mweniyo ndidingang'a, ndi nguru yangu, ndi mtaski wangu wa nthazi, linga langu lakukho.

Sumu 13:5

Kweni ine ndagomezga mu lisungu la chanju chinu; mtima wangu ukondweriyenge mu utaski winu.

Sumu 13:3

Ghanaghanani ndipo mundamuke, Ambuya Chiuta wangu; ngweruskani maso ghangu, vinu ndingagona tulo twa nyifwa;

Sumu 11:1

Mwaku Chiuta ndidingang'a; undineniyenge uli iwe kuti, “Thaŵiya ku mapiri nge nchiyuni.

Sumu 3:7

Sokani, Ambuya mwe! Nditaskeni mwa Chiuta wangu! Pakuti Imwe mwakoso ŵarwani ŵangu wose pa dakama, mwaphwanya minyu gha ŵaheni.

Yoswa 14:8

Kweni ŵabali wo ŵanguruta pamoza nane ŵangusongonoska mitima ya ŵanthu; ine kwakufikapo ndingurondo Ambuya Chiuta wangu.

1 Petro 1:21

mwaŵakuvwaniya mwaku iyo paku Chiuta, yo wangumyuska ku ŵakufwa, ndi wangumpaska unkhankhu; viyo kuti chivwanu chinu ndi chigomekezgu chinu viŵe paku Chiuta.

Sumu 25:2

Mwa Chiuta wangu, mwaku imwe ndagomekezga, ndireke kulengeskeka: ŵareke kutumbiya paku ine ŵarwani ŵangu.