Sumu 69:28 - Tonga Bible 1986

²⁸ Mazina ghawo ghasisitike mu buku la ŵamoyo; ŵareke kulembeka pamoza ndiŵanthu ŵinu.

Sumu 69:28 Referans Kwoze

ŴaFilipi 4:3

Inya, ndiŵeyere iwe nawe, wamagoŵa munyangu mwenimweni, uwovye ŵanthukazi yaŵa, wo wose ŵangulimbalimbiya mu evangeli pamoza nane, pamoza ndi Klemente nayo, ndi ŵakujapo wo ŵanchitu ŵanyangu, ŵeniwo mazina ghawo ghe mu buku la umoyo.

Luka 10:20

Posepose napo mwaku chenichi mungakondwere cha, chakuti mizimu yo yithere imwe, kweni kondwani kuti mazina ghinu ghalembeka kuchanya.”

ŴaHebere 12:23

ku ungano ndi ekleziya la ŵakupapika danga ŵakulembeka kuchanya, ndi kwaku Chiuta, mweruzgi waku wose, ndi ku ŵazimu ŵa ŵarunji ŵakufiskika,

Ezekiele 13:9

Janja langu likamikananga ndi ŵamchimi wo ŵawona viwona vyawaka ndi kupereka mawula gha utesi; Kuti ŵakaŵangamo cha mu upu wa ŵanthu ŵangu, nanga nkhulembeka mu buku la nyumba yaku Yisraele cha, pamwenga nanga nkhusere mu charu cha Yisraele naku so cha; ndipo mukaziŵanga kuti ine ndine Ambuya.

Chivumbuzi 13:8

Ndipo wose ŵakuja pa charu chapasi ŵakachilambiyanga, we yose yo zina lake lirivi kulembeka kutuwa ku kujarikika kwa charu mu buku la umoyo la Mwana-mberere yo, mweniyo wangubayika.

Chivumbuzi 22:19

ndipo asani munthu watuzgengeko ku mazu gha buku la umchimi wenuwu, Chiuta watuzgengeko chigaŵa chake chaku muti wo wa umoyo, ndi chamu msumba wo wakupaturika, vinthu vyo vyalembeka mu buku lenili.

Chivumbuzi 3:5

Yo wapunda wakavwarikikanga viyo minjirira yakuti tu! Ndipo kuti nkhasisitanga cha zina lake mu buku la umoyo; ndipo nkhazumbuwanga zina lake paurongo pa Ada, ndi paurongo pa ŵangelo ŵawo.

Yesaya 65:16

Viyo kuti yo watijitumbika mu charu wakajitumbikanga mwaku Chiuta wa uneneska, ndipo yo wachita rapu mu charu wakarapiyanga mwaku Chiuta wa uneneska; chifukwa masuzgu ghakudanga gharuwika ghabisika kwangu ku maso.

Hoseya 1:9

Ndipo Ambuya anguti, “Umudani zina lakuti ‘Ndimwe ŵanthu ŵangu cha,’ chifukwa kuti mwe ŵanthu ŵangu cha ndipo ine kuti nde Chiuta winu cha.”

Yesaya 4:3

Ndipo yo wakasiyikanga mu Zioni ndi wakujaririya mu Yerusalemu wakadanikanga wakupaturika, we yose yo walembeke umoyo mu Yerusalemu,