Sumu 68:35 - Tonga Bible 1986

³⁵ Nkhofya uli kwaku Chiuta mu malo ghake ghakupaturika, Chiuta waku Yisraele! Wapaska nthazi ndi mazaza ku khamu lake. Tumbikani Chiuta!

Sumu 68:35 Referans Kwoze

Sumu 29:11

Ambuya paskani nthazi ku ŵanthu ŵinu! Ambuya tumbikani ŵanthu ŵinu ndi chimangu!

Sumu 65:5

Mutitamuka, Chiuta Mtaski widu, ndipo mutititaska pakuchita vinthu vyakuziziswa. Ŵanthu mu charu chose chapasi, ndi ŵakusirgha la zinyanja, ŵagomekezga mwaku imwe.

ŴaKolose 1:11

Mukhomeskeke mu nthazi yose, kwakulingana ndi nthazi yake ya unkhankhu, ku unkhunthiya wose ndi chilekerezga pamoza ndi chimwemwe;

Yesaya 40:29

Wapaska nthazi ku wakugongowa ndipo kwaku yo walivi likongono wakuzgiyako nthazi.

ŴaFilipi 4:13

Ndiziŵa kuchitiya vyose mwaku Kristu mweniyo watindikhomeska.

Sumu 66:5

Zaninga ndi muwone vyo Chiuta wachita: nchitu zake mukati mu ŵanthu zakuziziswa.

Zekariya 10:12

Ndipo ndiŵakhozgenge mu Ambuya ndipo ŵakakankhuskikanga mu zina lake,” atiti Ambuya.

Nehemiya 1:5

Ndipo ndinguti, “Ambuya Chiuta wa kuchanya, Chiuta mukuru ndi wakofya mweniyo wasunga phanganu ndi chanju chizirima ndi wo ŵatumwanja ndi kusunga marangu ghake;

ŴaEfeso 3:16

kwakulingana ndi usambasi wa unkhankhu wake, kukhomeskeka ndi nthazi mu Mzimu wake mu munthu wamukati:

Yesaya 45:21

Taulani ndi longoni mulando winu; ŵarekeni ŵapangane fundu pamoza! Njani wangukamba ichi kale ukongwa? Njani yo wangutaula gha mwaka? Kuti ndenga ine cha Ambuya? Ndipo palivi Chiuta munyake pade paku ine, Chiuta murunji ndi Mtaski; palivi munyake pade paku ine.

Yesaya 40:31

kweni wo ŵalindizga Ambuya, ŵakawerezgangamo nthazi zawo, ŵakaphururukanga ndi mapapa uli ndi nombo, ŵakachimbiyanga kwambura kugongowa, ŵakayendanga kwambura kuvuka.

Sumu 76:12

yo wadumuwa mzimu ya mafumu; ngwakofya ku ŵakaronga ŵa charu chapasi.

Sumu 66:20

Ndirumba Chiuta, chifukwa rombu langu kuti wakulipata cha, pamwenga kuwezge vuli chifundu chake paku ine!

Sumu 47:2

Pakuti Ambuya, Apachanya limu, mbakofya, ndi karonga mukuru pa charu chose chapasi.

Sumu 45:4

Mu kuziza kwako ugarenge ndi kupunda chifukwa cha uneneska ndi kuvikiriya urunji; janja lako lakurghiya likusambizge vinthu vyakofya!

Marangu 33:25

Vikhozgeru vyako vikaŵanga chisulo ndi mkuŵa, ndipo uli ndi mazuŵa ghako, ndimo kukaŵiyanga kulimba kwako.

Chituwa 15:1

Sono Mosese ndi ŵaYisraele ŵangumba sumu iyi ku Ambuya, ŵanguti, “Ndikambanga ku Ambuya, pakuti apunda kwakutumbwa; ŵakavalo ndiŵakukwerapo ŵake apong'a mu nyanja.

Marangu 33:26

“Palivi nanga njumoza yo we uli ndi Chiuta, Jeshuruni we, mweniyo wasika mu machanya kuzachovya iwe, ndi mu uchiyembwe wake waziya mumdengwendi.

Jobu 37:22

Kuŵala kwakung'anima nge ndi golide kutuliya ku nkhonde; Chiuta wakunwalikika ndi unkhankhu ukuru.

Sumu 29:1

Paskani ku Ambuya mwa ŵakuchanya mwe, paskani ku Ambuya unkhankhu ndi nthazi.