Sumu 68:18 - Tonga Bible 1986

¹⁸ Mungukwere ku machanya, munguto ŵamikoli ŵanandi pamoza namwe; murombe vya wanangwa kutuwa ku ŵanthu ŵakugaruka. Ambuya Chiuta wakajanga kwenikuwa.

Sumu 68:18 Referans Kwoze

Chivumbuzi 21:3

Ndinguvwa mazu ghakuru kutuliya ku chitengu-chaufumu cho, ghakuti, “Awonani, hema lo laku Chiutale mukati mu ŵanthu, ndipo wagoŵiyenge mukati mwawo, ndipo iwo ŵaŵenge makamu ghake, ndipo Chiuta iyo waŵenge pamoza nawo, Chiuta wawo.

2 ŴaKorinte 6:16

Ndipo ndine yanu lapa kasopi waku Chiuta ndi vyangoza? Chifukwa ndifwe kasopi waku Chiuta wamoyo; nge ndimo Chiuta wanene, “Nkhajariyanga mwaku wo, ndipo nkhendeyanga mwaku wo, ndipo nkhaŵanga Chiuta wawo, ndipo iwo ŵakaŵanga khamu langu.

Ŵeruzgi 5:12

“Yuka, yuka, Debora! Yuka, yuka, mbanga, sumu! Soka, Baraki, rongozga ŵamikoli ŵako, mwana we waku Abinoamu.

1 Petro 3:22

mweniyo we ku marghe ghaku Chiuta, wati waruta kuchanya, pakuthereskeke kwaku iyo ŵangelo ndi mitufu ndi Vyanthazi.

Machitidu gha Ŵakutumika 2:4

Ndipo ŵanguzazika wose ndi Mzimu Wakupaturika, ndi ŵangwamba kurongoro ndi malilime ghamwenga, uli ndimo Mzimu waŵapaskiyanga kwachirongoro.

Yohane 16:7

Nakweni naku ndikuneniyani uneneska, nkhwamampha kwaku imwe kuti ine ndirute: chifukwa asani ndiruta nkhamutumanga kwaku imwe.

Yohane 14:23

Yesu wangwamuka, wangumnene, “Asani yumoza watindanja, wasungenge mazu ghangu, ndipo Ada ŵamwanjenge, tizenge kwaku iyo, ndipo tijichitiyenge uja pamoza nayo.

Sumu 110:1

Ambuya angunene ambuyangu, “Uje ku janja langu la kurghiya, mpaka po ndaŵika ŵamawongo ŵako kusi ku marwayo ghako.”

Sumu 47:5

Chiuta wakwere ndi kukambura, Ambuya ndi chizozu cha mbata.

Sumu 24:3

Njani wakweriyenge mu phiri la Ambuya? Ndipo njani wamenge mu malo ghawo ghakupaturika?

ŴaKolose 2:9

Pakuti mwaku iyo ndimo mwe uzali wose wauchiuta muliŵavu,

Sumu 78:60

wangutuwamo mu hema lake ku Shilo, muzi wo wangujamo mukati mu ŵanthu.

ŴaKolose 2:3

mwaku mweniyo mwe mbiku zose zakubisika za zeru ndi mziŵiru.

ŴaRoma 5:8

Kweni Chiuta wasimikizgiya chanju chaku iyo mweneko kuchiri kwaku ifwe, mwakuti, tengateche ŵakulakwa, Kristu wangutifwiya.

2 Mikoka 6:18

“Kweni kumbi nadi Chiuta wakajanga ndi munthu pa charu chapasi? Onani machanya gha machanya kuchanya kuti ghangamukwaniskani Imwe cha; kumbi nyumba iyi ndazenga ine yingamuyanani uli!

Chivumbuzi 1:20

nge nkhu mangari gho gha nyenyezi nkhonde ndi ziŵi Zo unguwona mu janja langu lamarghe, ndi gha vikoleru-nyali vyo vinkhonde ndi viŵi vyagolide. Nyenyezi nkhonde ndi ziŵi zo mbangelo ŵa mipingu yo yinkhonde ndi ghaŵi: ndipo vikoleru-nyali vyo vinkhonde ndi viŵi ndi mipingu yinkhonde ndi yiŵi.

ŴaHebere 8:1

Kweni mwaku vyenivyo vyakambika fundu yeneko njeniyi: te nayo Mzukuru Mura waviyo, mweniyo waja pasi ku marghe gha chitengu chaufumu ukurukuru mu machanya,

ŴaHebere 6:20

mwenimo uli ndi mdanjizgi waserere pa chifwa chaku ifwe Yesu, yo waŵiya ku muyaya Mzukuru Mura mwa ndondomeku yaku Melkizedeke.

ŴaHebere 4:14

Viyo pakuŵa ndi Mzukuru Mura mukuru, yo waporota mu machanya, Yesu, Mwana yo waku Chiuta, tikoreske chizomerezgu chidu.

ŴaHebere 1:3

Mweniyo, pakuŵa dangalira la unkhankhu wake ndi chiyanizgu cha kaŵidu kake, ndi pakuchirikiriya so vyose ndi nenedu la nthazi yake, wanguti, wachita chiphoto cha vilakwa, wanguja pasi ku marghe gha Ukurukuru mu machanya.

Machitidu gha Ŵakutumika 9:17

Ndipo wanguruta Hananiya, ndi wangusere mu nyumba yo; ndipo pakuŵikiya pake manja ghake, wanguti, “Saulo, mbali wangu, wandituma Mbuya Yesu, mweniyo wangukuwoneke mu nthowa yo wazangamo, alinga kuti ulereske, ndi kuti uzazike Mzimu Wakupaturika.”

Machitidu gha Ŵakutumika 2:23

mwenuyu Yesu, wati wakomboleke mu khumbu lakutemeka ndi mziŵirulimu waku Chiuta, mungumpayika ndi manja gha ŵachikana marangu, ndimungubaya.

Luka 24:51

Ndipo kunguŵa, weche kuŵatumbika iyo, wangupatukako kwaku wo, ndipo wanyamulikiyanga kuchanya.

Luka 24:49

Ndipo awonani, ine nditumiya paku imwe phanganu la Ada: kweni tandarani imwe mu msumba, mpaka mufukika ndi nthazi yakutuliya kuchanya.”

Luka 24:47

ndi kuti ching'anamuka ndi chireke cha vilakwa vimemezeke mu zina lake ku mitundu yose, kwanda ku Yerusalemu.

Marko 16:9

Wati wayuka ndi mlenjilenji pa zuŵa lachimoza la lisabata, wanguwoneka danga kwaku Mariya Magdala, mwaku mweniyo wangutuzga ŵademone ŵankhonde ndi ŵaŵi.

Mateyu 9:13

Kweni mukachisambire mo chiriri chenichi, ‘Ndilembe lisungu, chisopu cha.’ Chifukwa kuti ndinguza kuzachidana ŵarunjicha, kweni ŵalakwi.”

Ezekiele 48:35

Kupima msumba wose zingirizgi ukaŵanga mikono vikwi chumi ndi vinkhonde ndi vitatu, (18,000), ndipo zina la msumba kutuwa zuŵa lino mpaka ku muyaya likaŵanga, Ambuya ŵe mwenimuwa.”

Yesaya 57:15

Pakuti viyo watiti wapachanya ndi Mutali yo, mweniyo waja mu umuyaya, yo zina leke ndi Wakupaturika: “Ndija pachanya pa malo ghakupaturika, ndipo so pamoza ndi yo ngwa mtima wakupe ndi wakujiyuyuwa, kusisipuska mzimu wa wakujiyuyuwa, ndi kuyuska so mtima wa wakupe.

Yesaya 55:7

muheni wareke nthowa yake, ndi wakuwura urunji maghanaghanu ghake; wawere ku Ambuya, kuti amuŵiye ndi lisungu, ndi kwaku Chiuta widu, pakuti wagowokiyenge kwakuzala.

Sumu 7:7

Unganu wa mitundu ya ŵanthu ukuzunguliyeni; ndipo pachanya paku wo muŵe pa chitengo chinu cha pachanya.

Marangu 33:2

Wanguti, “Ambuya angutuwa ku Sinai, ndipo anguvumbukwa kwaku ifwe kutuwa Seiri, anguwana kutuwa ku phiri Parani. Angutuwa ku vikwi chumi (10,000) vya wakupaturika ndi ŵanguto moto wakulipuka ku janja lawo la marghe.

Yoele 2:11

Ambuya atuzga mazu ghawo paurongo pa nkhondo yawo, chifukwa mupingu wawo ngukuru ukongwa; ngwanthazi yo wachita mazu ghawo. Chifukwa zuŵa la Ambuya ndikuru ndi lakofya. Ndiyani waziŵa kulimiya?